Miga 6:1-16
6 Luister asseblief na wat Jehovah sê.
Staan op, stel jou saak voor die berge,en laat die heuwels jou stem hoor.+
2 Luister, o berge, na die regsaak van Jehovah,luister, vaste fondamente van die aarde,+want Jehovah het ’n regsaak met sy volk.
Hy sal in sy regsaak teen Israel sê:+
3 “My volk, wat het ek aan jou gedoen?
Hoe het ek jou moeg gemaak?+
Getuig teen my.
4 Want ek het jou uit Egipte uitgelei,+ek het jou uit die huis van slawerny verlos.+
Ek het Moses, Aäron en Mirjam voor jou uit gestuur.+
5 My volk, dink asseblief aan wat Balak, die koning van Moab, beplan het+en wat Biʹleam, die seun van Beor, hom geantwoord het+– wat van Sittim+ tot by Gilgal+ gebeur het –sodat jy kan weet dat Jehovah doen wat regverdig is.”
6 Waarmee sal ek voor Jehovah verskyn?
Waarmee sal ek neerbuig voor God wat in die hoogte woon?
Sal ek voor hom verskyn met heelbrandoffers,met jaaroud kalwers?+
7 Sal duisende rammeof tienduisende strome olie Jehovah bly maak?+
Sal ek my eersgebore seun gee vir my opstandigheid,die vrug van my liggaam vir my sonde?+
8 Hy het jou vertel, o mens, wat goed is.
En wat verwag Jehovah van jou?
Net dat jy geregtigheid moet beoefen,*+ lojaliteit moet liefhê*+en beskeie moet wandel+ met jou God!+
9 Die stem van Jehovah roep na die stad.
Dié wat praktiese wysheid het, sal u naam vrees.
Skenk aandag aan dissipline en aan die Een van wie dit kom.+
10 Is daar nog steeds skatte van goddeloosheid in die huis van die goddelose,en die onakkurate efa,* wat God haat?
11 Kan ek sedelik rein* wees met ’n valse weegskaal,met ’n sak vol valse gewigte?+
12 Want die stad se rykes is vol geweld,en haar inwoners vertel leuens.+
Hulle tong is bedrieglik.+
13 “Daarom sal ek jou wond deur jou te slaan,+ek sal jou verwoes as gevolg van jou sondes.
14 Jy sal eet, maar nie versadig word nie.
Jou binneste sal leeg wees.+
Die dinge wat jy verwyder, sal jy nie veilig wegdra nie,en wat jy wel wegdra, sal ek aan die swaard gee.
15 Jy sal saad saai, maar jy sal nie oes nie.
Jy sal olywe trap, maar jy sal nie die olie gebruik nie.
En jy sal nuwe wyn maak, maar jy sal geen wyn drink nie.+
16 Want julle volg die reëls van Omri en al die gebruike van die huis van Agab,+en julle lewe volgens hulle raad.
Daarom sal ek julle straf,en ek sal haar inwoners iets maak om oor te fluit.+
En die volke sal met julle spot.”+
Voetnote
^ Of “goedhartig en lojaal moet wees in jou liefde”. Lett. “lojale liefde moet liefhê”.
^ Of “regverdig moet wees”.
^ Of “onskuldig”.
