Miga 7:1-20
7 Dit gaan sleg met my! Ek is soos iemand wat,nadat die somervrugte ingesamel isen die oesoorblyfsels ná ’n druiwe-oes afgepluk is,geen druiwetros vind om te eet nie,geen vroeë vy wat ek begeer nie.
2 Die lojale het van die aarde af verdwyn,daar is geen mens wat reg lewe nie.+
Hulle lê en wag om mense dood te maak.+
Elkeen maak met ’n sleepnet jag op sy broer.
3 Hulle weet baie goed hoe om te doen wat sleg is.+
Die leier stel eise,die regter vra vir ’n beloning,+die belangrike man sê wat hy wil hê,+en hulle beraam hulle planne saam.
4 Die beste onder hulle is soos dorings,die mees opregte is erger as ’n doringheining.
Die dag van jou wagte en van jou oordeel sal kom.+
Dan sal hulle paniekbevange wees.+
5 Moenie geloof stel in jou vriendof ’n goeie vriend vertrou nie.+
Pasop wat jy sê vir die een wat in jou arms lê.
6 Want ’n seun haat sy pa,’n dogter staan op teen haar ma+en ’n skoondogter is teen haar skoonma.+
’n Mens se eie familielede* is sy vyande.+
7 Maar ek sal op die uitkyk bly vir Jehovah.+
Ek sal geduldig wag op die God van my redding.+
My God sal my hoor.+
8 Moenie oor my bly wees nie, o my vyand.*
Al het ek geval, sal ek opstaan.
Al woon ek in die duisternis, sal Jehovah my lig wees.
9 Ek sal die woede van Jehovah verduur– want ek het teen hom gesondig+ –totdat hy my regsaak verdedig en vir my geregtigheid bring.
Hy sal my na die lig bring.
Ek sal sy regverdigheid sien.
10 My vyand sal dit ook sien,en skaamte sal kom oor haar wat vir my gesê het:
“Waar is Jehovah jou God?”+
Ek sal na haar kyken sien hoe sy dan soos modder in die strate vertrap word.
11 Dit sal ’n dag wees om jou klipmure te bou.
In daardie dag sal jou grense uitgebrei word.*
12 In daardie dag sal hulle na jou toe komvan Assiʹrië en die stede van Egipte,van Egipte tot by die Rivier,*van see tot see en van berg tot berg.+
13 En die land sal ’n verlate plek word weens sy inwoners,as gevolg van wat hulle gedoen het.
14 Lei u volk as herder met u staf, die kudde van u erfdeel,+wat alleen in ’n woud gewoon het – in ’n vrugteboord.
Laat hulle in Basan en Giʹlead+ wei soos in die dae van lank gelede.
15 “Soos in die dae toe julle uit Egipte gekom het,sal ek julle wonderlike dinge laat sien.+
16 Nasies sal dit sien en skaam kry ten spyte van al hulle mag.+
Hulle sal hulle hand oor hulle mond sit.
Hulle ore sal doof word.
17 Hulle sal stof lek soos slange.+
Soos die reptiele van die aarde sal hulle bewend uit hulle vestings kom.
Hulle sal vol vrees na Jehovah ons God kom,en hulle sal vir u bang wees.”+
18 Wie is ’n God soos u,wat sondes vergewe en die oortredings+ van die oorblyfsel van sy erfdeel oorsien?+
Hy sal nie vir ewig kwaad bly nie,want dit gee hom vreugde om lojale liefde te betoon.+
19 Hy sal weer genade aan ons betoon.+ Hy sal ons oortredings vertrap.*
U sal al hulle sondes in die dieptes van die see gooi.+
20 U sal u getrouheid aan Jakob toon,u lojale liefde aan Abraham,soos u lank gelede vir ons voorvaders gesweer het.+
Voetnote
^ Of “huismense”.
^ In Hebreeus is die woord vir “vyand” in die vroulike vorm.
^ Of moontlik “sal die bevel ver weg wees”.
^ Die Eufraatrivier.
^ Of “oorwin; onderwerp”.
