Psalms 146:1-10
146 Loof Jah!*+
Laat my hele wese Jehovah loof.+
2 Ek sal Jehovah my hele lewe lank loof.
Ek sal lofliedere sing* vir my God solank as wat ek lewe.
3 Moenie julle vertroue in magtiges* stel nie.
Moenie vertrou op mense, wat nie redding kan bring nie.+
4 Sy gees* gaan uit, hy keer terug na die grond.+
Op daardie dag kom sy gedagtes tot ’n einde.+
5 Gelukkig is die een wat die God van Jakob as sy helper het,+wat sy hoop vestig op Jehovah sy God,+
6 die Maker van hemel en aarde,van die see en alles wat in hulle is,+die Een wat altyd getrou bly,+
7 die Een wat geregtigheid gee aan dié wat uitgebuit is,die Een wat brood gee aan dié wat honger is.+
Jehovah bevry die gevangenes.+
8 Jehovah maak die oë van die blindes oop.+
Jehovah help mense wat onder probleme gebuk gaan, om weer op te staan.+
Jehovah is lief vir die regverdiges.
9 Jehovah beskerm die uitlander.
Hy ondersteun die weeskind en die weduwee,+maar hy laat die planne van die goddeloses misluk.*+
10 Jehovah sal vir ewig Koning wees,+jou God, o Sion, van geslag tot geslag.
Loof Jah!*
Voetnote
^ Of “Halleluja!” “Jah” is ’n verkorte vorm van die naam Jehovah.
^ Of “musiek maak”.
^ Of “prinse”.
^ Of “asem”.
^ Of “maak die weg van die goddeloses krom”.
^ Of “Halleluja!” “Jah” is ’n verkorte vorm van die naam Jehovah.
