Psalms 149:1-9
149 Loof Jah!*
Sing vir Jehovah ’n nuwe lied.+
Prys hom in die gemeente van die lojales.+
2 Laat Israel bly wees as gevolg van sy Groot Maker.+
Laat die kinders van Sion bly wees as gevolg van hulle Koning.
3 Laat hulle sy naam met gedans loof+en vir hom lofliedere sing* terwyl daar op die tamboeryn en die harp gespeel word.+
4 Want Jehovah vind vreugde in sy volk.+
Hy versier die nederiges met redding.+
5 Laat die lojales vreugdevol wees as gevolg van hulle heerlikheid.
Laat hulle van vreugde uitroep op hulle beddens.+
6 Laat die lofliedere vir God uit hulle keel kom,en laat ’n tweesnydende swaard in hulle hand wees
7 om wraak te neem op die nasiesen om die volke te straf,
8 om hulle konings te bind met kettings,en hulle heersers met boeie van yster,
9 om hulle te straf volgens die oordeel wat teen hulle geskryf is.+
Hierdie eer behoort aan al sy lojales.
Loof Jah!*
Voetnote
^ Of “Halleluja!” “Jah” is ’n verkorte vorm van die naam Jehovah.
^ Of “musiek maak”.
^ Of “Halleluja!” “Jah” is ’n verkorte vorm van die naam Jehovah.
