Psalms 60:1-12
Vir die musiekleier: Op die wysie van “Die lelie van herinnering”. Miktam.* Van Dawid. Om te onderrig. Toe hy teen Aʹram-Naharaʹim en Aʹram-Soba geveg het, en toe Joab teruggekeer het en 12 000 Edomiete in die Soutvallei doodgemaak het.+
60 O God, u het ons verwerp. U het deur ons verdediging gebreek.+
U was kwaad vir ons, maar aanvaar ons nou tog terug!
2 U het die aarde laat bewe. U het dit oopgekloof.
Maak sy skeure reg, want dit stort ineen.
3 U het u volk laat ly.
U het ons wyn laat drink wat ons laat slinger.+
4 Gee ’n teken* aan dié wat u vreesom te vlug en voor die boog pad te gee. (Sela)
5 Red ons met u regterhand en antwoord onssodat u geliefdes gered kan word.+
6 God het in sy heiligheid* gesê:
“Ek sal van vreugde uitroep, ek sal Sigem as ’n erfdeel gee,+en ek sal die Vallei van Sukkot afmeet.+
7 Giʹlead behoort aan my, en Manasʹse+ ook,en Eʹfraim is die helm* vir my kop.
Juda is vir my die staf van ’n bevelvoerder.+
8 Moab is my wasbak.+
Op Edom sal ek my sandaal gooi.+
Ek sal van vreugde uitroep weens die oorwinning oor Filisteʹa.”+
9 Wie sal my bring na die stad wat omsingel is?*
Wie sal my tot by Edom lei?+
10 Is dit nie u, o God, deur wie ons verwerp is nie,ons God, wat nie meer saam met ons leërmagte uitgaan nie?+
11 Help ons in moeilike tye,want redding deur mense is waardeloos.+
12 Deur God sal ons krag kry,+en hy sal ons vyande vertrap.+
Voetnote
^ Of moontlik “U het ’n teken gegee”.
^ Of moontlik “in sy heilige plek”.
^ Lett. “vesting”.
^ Of moontlik “versterkte stad”.
