Psalms 7:1-17
-
Jehovah, ’n regverdige Regter
-
“Oordeel my, o Jehovah” (8)
-
’n Treurlied van Dawid wat hy vir Jehovah gesing het oor die woorde van Kus, die Benjaminiet.
7 O Jehovah my God, ek het by u beskerming kom soek.+
Red my van almal wat my vervolg.+
2 Anders sal hulle my verskeur soos ’n leeu+en my wegdra met niemand om my te red nie.
3 O Jehovah my God, as ek enigiets verkeerds gedoen het,as ek onregverdig opgetree het,
4 as ek die een wat goed is vir my, ’n onreg aangedoen het,+of as ek my vyand sonder rede beroof het,*
5 laat ’n vyand my dan agternasit en inhaal.
Laat hy my lewe in die grond intrapen my heerlikheid in die stof laat verdwyn. (Sela)
6 Staan op in u woede, o Jehovah.
Staan op teen die woede van my vyande.+
Staan op om my te help en beveel dat geregtigheid uitgevoer word.+
7 Laat die nasies u omsingel,en u sal vanuit die hoogte teen hulle optree.
8 Jehovah sal die volke vonnis.+
Oordeel my, o Jehovah, volgens my regverdigheiden volgens my integriteit.*+
9 Maak asseblief ’n einde aan die slegte dade van die goddeloses.
Maar maak die regverdige standvastig,+want u is die regverdige God+ wat die hart+ en die diepste emosies ondersoek.*+
10 God is my skild,+ die Redder van die opregtes van hart.+
11 God is ’n regverdige Regter,+en God verkondig sy oordele* elke dag.
12 As iemand nie berou toon nie,+ maak Hy sy swaard skerp,+hy span sy boog en maak dit gereed.+
13 Hy berei sy dodelike wapens voor.
Hy maak sy vlammende pyle gereed.+
14 Kyk na die een wat swanger is met goddeloosheid.
Hy is swanger met moeilikheid en gee geboorte aan leuens.+
15 Hy grawe ’n gat en maak dit diep,maar hy val in die einste gat wat hy gegrawe het.+
16 Die moeilikheid wat hy veroorsaak, sal op sy eie kop terugkom.+
Sy geweld sal op die kroon van sy kop neerkom.
17 Ek sal Jehovah loof vir sy geregtigheid.+
Ek sal liedere sing* om die naam van Jehovah, die Allerhoogste,+ te loof.+
Voetnote
^ Of moontlik “terwyl ek die een gespaar het wat my sonder rede teëgestaan het”.
^ Of “wat die hart en die niere toets”.
^ Of “slinger veroordelings”.
^ Of “musiek maak”.
