Psalms 75:1-10
-
God oordeel met regverdigheid
-
Goddeloses sal uit Jehovah se beker drink (8)
-
Vir die musiekleier. Op die wysie van “Moenie vernietig nie”. Van Asaf.+ ’n Lied.
75 Ons dank u, o God, ons dank u.
U naam is naby,+en mense verkondig u wonderlike werke.
2 U sê: “Wanneer ek ’n tyd vasstel,oordeel ek met regverdigheid.
3 Toe die aarde en al sy inwoners gebewe* het,het ek sy pilare stewig gehou.” (Sela)
4 Ek sê vir die grootpraters: “Moenie grootpraat nie,”en vir die goddeloses: “Moenie spog oor julle krag* nie.
5 Moenie spog dat julle so sterk is nie*of hoogmoedig praat nie.
6 Want heerlikheid kom nieuit die ooste of die weste of die suide nie.
7 Want God is die Regter.+
Hy verneder die een en verheerlik die ander.+
8 Want daar is ’n beker in Jehovah se hand.+
Die wyn skuim en is goed gemeng.
Hy sal dit beslis uitgooi,en al die goddeloses van die aarde sal tot die laaste druppel opdrink.”+
9 Maar wat my betref, ek sal dit vir ewig verkondig.
Ek sal lofliedere sing* vir die God van Jakob.
10 Want hy sê: “Ek sal ’n einde maak aan al die krag* van die goddeloses,maar die krag* van die regverdiges sal verheerlik word.”
Voetnote
^ Lett. “gesmelt”.
^ Lett. “horing”.
^ Lett. “Moenie ’n horing oplig nie”.
^ Of “musiek maak”.
^ Lett. “horings”.
^ Lett. “horings”.
