Sagaria 11:1-17
11 “Maak jou deure oop, o Liʹbanon,sodat ’n vuur jou sederbome kan verteer.
2 Huil, o jenewerboom, want die sederboom het geval.
Die magtige bome is vernietig!
Huil, o eikebome van Basan,want die digte woud is verwoes!
3 Luister hoe die herders huil,want hulle heerlikheid het verdwyn.
Luister hoe die jong leeus* brul,want die digte bosse langs die Jordaanrivier is verwoes.
4 “Dít is wat Jehovah my God sê: ‘Wees ’n herder vir die kudde slagskape.+
5 Hulle kopers slag hulle,+ maar word nie skuldig bevind nie. En hulle verkopers+ sê: “Mag Jehovah geloof word, want ek sal ryk word.” Hulle herders voel nie jammer vir hulle nie.’+
6 “‘Want ek sal nie langer medelye* betoon aan die inwoners van die land nie,’ sê Jehovah. ‘Daarom sal ek elkeen aan* sy medemens en sy koning oorlewer. En hulle sal die land verwoes, en ek sal hulle nie red nie.’”
7 En ek het ter wille van julle, o skape wat onderdruk word, ’n herder geword vir die kudde slagskape.+ Ek het twee stawwe geneem, en ek het die een Lieflikheid genoem, en die ander een het ek Eenheid* genoem,+ en ek het ’n herder vir die kudde geword.
8 En ek het drie herders in een maand weggestuur, want ek het ongeduldig met hulle geraak, en hulle kon my ook nie verdra nie.
9 En ek het gesê: “Ek sal nie meer julle herder wees nie. Laat die een wat sterf, maar sterf. En laat die een wat verdwyn, maar verdwyn. En laat dié wat oorbly, mekaar verslind.”
10 Toe het ek my staf Lieflikheid+ geneem en dit stukkend gekap. So het ek my verbond verbreek wat ek met al die volke gemaak het.
11 En dit is op daardie dag verbreek, en die onderdruktes van die kudde wat my dopgehou het, het geweet dat dit ’n boodskap van Jehovah was.
12 Toe het ek vir hulle gesê: “As dit reg is met julle, gee my my loon, maar as dit nie is nie, moet julle dit nie gee nie.” En hulle het my loon betaal:* 30 silwerstukke.+
13 Daarna het Jehovah vir my gesê: “Gooi dit in die skatkamer – dit is die groot waarde wat ek in hulle oë het.”+ En ek het die 30 silwerstukke geneem en dit in die skatkamer in die huis van Jehovah gegooi.+
14 Toe het ek my tweede staf, Eenheid,*+ stukkend gekap. So het ek die broederskap tussen Juda en Israel verbreek.+
15 En Jehovah het vir my gesê: “Neem nou die gereedskap van ’n nikswerd herder.+
16 Want ek laat ’n herder in die land opstaan. Hy sal nie vir die skape sorg wat doodgaan nie.+ Hy sal nie die jong skape soek of die beseerde skape genees+ of dié wat kan staan, kos gee nie. Maar hy sal die vleis van die vette+ eet en die hoewe van die skape afruk.+
17 Dit sal sleg gaan met my nikswerd herder,+ wat die kudde verlaat!+
’n Swaard sal sy arm en sy regteroog tref.
Sy arm sal heeltemal verdor,en sy regteroog sal heeltemal blind* word.”
Voetnote
^ Of “jong maanhaarleeus”.
^ Lett. “in die hand van”.
^ Of “Saambinding”.
^ Lett. “afgeweeg”.
^ Of “Saambinding”.
^ Lett. “dof”.
