Spreuke 10:1-32
10 Spreuke van Salomo.+
’n Wyse seun maak sy pa bly,+maar ’n dwase seun maak sy ma hartseer.
2 Skatte wat op ’n goddelose manier verkry word, sal geen voordeel bring nie,maar regverdigheid red ’n mens van die dood.+
3 Jehovah laat die regverdige nie honger ly nie,+maar hy weier om die begeertes van die goddeloses te bevredig.
4 Lui hande bring armoede,+maar hardwerkende hande bring rykdom.+
5 Die seun wat met insig optree, samel die oes gedurende die somer in,maar die seun wat skandelik optree, is vas aan die slaap gedurende die oes.+
6 Die regverdige word geseën,+maar die goddeloses hou hulle gewelddadige planne geheim.
7 Die regverdiges sal onthou word en sal geseën word,+maar die naam van die goddeloses sal verdwyn.+
8 Die wyse persoon* sal raad* aanvaar,+maar die een wat dwase dinge sê, sal tot ’n val kom.+
9 Die een wat ’n weg van integriteit* volg, sal veilig wees,+maar as iemand ’n verkeerde weg volg, sal dit bekend word.+
10 Die een wat skelm oogknip, veroorsaak pyn,+en die een wat dwase dinge sê, sal tot ’n val kom.+
11 Die mond van die regverdiges is ’n bron van lewe,+maar die mond van die goddeloses hou hulle gewelddadige planne geheim.+
12 Haat veroorsaak onenigheid,maar liefde bedek alle oortredings.+
13 Wysheid is op die lippe van die een wat insig het,+maar straf wag op die een wat onverstandig is.*+
14 Wyse mense bewaar kennis as ’n skat,+maar die mond van die dwaas lei tot sy ondergang.+
15 Die rykdom van ’n ryk man is vir hom soos ’n sterk stad.
Die armoede van die armes is hulle ondergang.+
16 Die werk van die regverdige lei tot die lewe,maar die goddelose gebruik sy inkomste om te sondig.+
17 Die een wat dissipline aanvaar, is soos ’n pad* na die lewe,maar die een wat teregwysing ignoreer, bring ander op ’n dwaalspoor.
18 Die een wat sy haat geheim hou, vertel leuens,+en die een wat skadelike skinderstories* versprei, is dwaas.
19 As iemand baie praat, sal dit tot oortreding lei,+maar die een wat sy lippe beheer, tree verstandig op.+
20 Die tong van die regverdige is soos die suiwerste silwer,+maar die hart van die goddelose is min werd.
21 Die woorde van die regverdige versterk* baie,+maar die dwase sterf omdat hulle geen verstand het nie.+
22 Dit is die seën van Jehovah wat ’n mens ryk maak,+en Hy voeg geen pyn* daarby nie.
23 Skandelike gedrag is vir die dwaas soos ’n speletjie,maar wysheid behoort aan die man wat insig het.+
24 Wat die goddelose vrees, sal oor hom kom,maar die begeerte van die regverdige sal bevredig word.+
25 Wanneer die storm verby is, sal die goddelose nie meer daar wees nie,+maar die regverdige is soos ’n ewige fondament.+
26 Soos asyn vir die tande en rook vir die oë,so is die luiaard vir iemand wat hom stuur om iets te doen.*
27 Vrees vir Jehovah lei tot ’n langer lewe,+maar die jare van die goddeloses sal kortgeknip word.+
28 Die hoop* van die regverdiges bring vreugde,+maar die hoop van die goddeloses sal verdwyn.+
29 Die weg van Jehovah is ’n vesting vir dié wat ’n rein lewe lei,*+maar dit beteken ondergang vir dié wat slegte dinge doen.+
30 Die regverdiges sal nooit val nie,+maar die goddeloses sal nie op die aarde bly woon nie.+
31 Wysheid kom uit die mond van die regverdige,maar die slegte tong sal vernietig word.
32 Die lippe van die regverdige weet wat aangenaam is,maar die mond van die goddeloses is vol slegtheid.
Voetnote
^ Of “Die persoon wat wys van hart is”.
^ Lett. “gebooie”.
^ Lett. “die lat is vir die rug van die onverstandige”.
^ Of moontlik “is op die pad”.
^ Of “gerugte”.
^ Of “voed; lei”.
^ Of “hartseer; swaarkry”.
^ Of “vir sy werkgewer”.
^ Of “verwagting”.
^ Of “die onberispelike”.
