Sal terrorisme ooit tot ’n einde kom?
Ná ’n terroriste-aanval is dit natuurlik om jouself af te vra: ‘Gee God om? Hoekom gebeur hierdie dinge? Sal terrorisme a ooit tot ’n einde kom? Hoe kan ek met die vrees saamlewe?’ Die Bybel voorsien bevredigende antwoorde op hierdie vrae.
Hoe voel God oor terrorisme?
God haat geweld en terrorisme (Psalm 11:5; Spreuke 6:16, 17). En Jesus, God se verteenwoordiger, het sy dissipels reggehelp toe hulle gewelddadig opgetree het (Matteus 26:50-52). Hoewel party sê dat hulle in God se naam gewelddadige dinge doen, het hy hulle nie die reg gegee om so op te tree nie. Om die waarheid te sê, hy luister nie eers na hulle gebede nie. – Jesaja 1:15.
God gee om oor almal wat swaarkry, insluitende diegene wat deur terroriste-aanvalle geraak word (Psalm 31:7; 1 Petrus 5:7). Die Bybel wys ook dat God iets sal doen om ’n einde aan geweld te maak. – Jesaja 60:18.
Die hoofoorsaak van terrorisme
Die Bybel wys wat die hoofrede vir terrorisme is: “Die mens [heers] oor die mens . . . tot sy nadeel” (Prediker 8:9). Regdeur die geskiedenis het mense met mag terrorisme gebruik om ander te onderdruk. As gevolg van die onderdrukking het ander mense terrorisme gebruik om terug te veg. – Prediker 7:7.
Die einde van terrorisme
God belowe om vrees en geweld te verwyder en om vrede op die aarde te bring (Jesaja 32:18; Miga 4:3, 4). Hy sal:
Die hoofoorsaak van terrorisme verwyder. God sal menseregerings met sy wêreldwye regering vervang. Die Heerser van hierdie regering, Jesus Christus, sal almal regverdig behandel, en hy sal onderdrukking en geweld wegneem (Psalm 72:2, 14). Dan sal niemand van terrorisme gebruik maak nie. Mense “sal groot vreugde vind in die oorvloed van vrede”. – Psalm 37:10, 11.
Al die gevolge van terrorisme wegneem. God sal al die mense wat deur terrorisme geraak is, fisies sowel as emosioneel gesond maak (Jesaja 65:17; Openbaring 21:3, 4). Hy belowe selfs dat hy die dooies weer lewend sal maak op ’n aarde waar daar vrede sal wees. – Johannes 5:28, 29.
Die Bybel gee ons goeie redes om te glo dat God binnekort iets sal doen. Maar jy wonder dalk: ‘Hoekom het God nog nie ’n einde aan terrorisme gemaak nie?’ Om die antwoord te kry, kyk na die video Hoekom laat God toe dat mense swaarkry?
a “Terrorisme” verwys oor die algemeen na die gebruik of gevaar van geweld – veral teen burgers. Die doel is om mense bang te maak sodat daar ’n politieke, godsdienstige of sosiale verandering kan gebeur. Maar of ’n spesifieke daad as terrorisme beskou kan word of nie, is ’n vraag waaroor mense nie saamstem nie.
Jy sal dalk ook hiervan hou
NOG ONDERWERPE
Hoe om jou bekommernisse te beheer
Watter praktiese wenke en Bybelverse kan jou help dat jy jou nie so baie bekommer nie?
NOG ONDERWERPE
’n Ware hoop vir ’n beter toekoms
Hoekom is die beloftes in die Bybel anders as die beloftes en voorspellings wat mense maak?
ANTWOORDE OP BYBELVRAE
Wat is die Koninkryk van God?
Kyk waarom God se regering voortrefliker is as alle ander regerings.
DIE WAGTORING
Wat sal God se Koninkryk doen?
Jesus het geweet dat God se Koninkryk die enigste regering is wat die probleme op die aarde kan oplos. Hoekom kan ons vertroue daarin hê?
NOG ONDERWERPE
Sal daar ooit geregtigheid wees?
Die Bybel wys dat ware geregtigheid van God af kom. In sy oë is almal gelyk.
BELANGRIKE BYBELLERINGE
Hoekom laat God toe dat mense swaarkry?
Baie mense vra hoekom die wêreld so vol haat en swaarkry is. Die Bybel gee ’n goeie antwoord wat mense vertroos.
