HOEKOM DIT BELANGRIK IS OM RESPEK VIR JOUSELF TE TOON

• Navorsing wys dat mense wat nie ’n goeie selfbeeld het nie, meer geneig is om aan angstigheid, depressie en eetversteurings te ly. Hulle is ook meer geneig om alkohol en dwelms te misbruik.

• Mense wat selfrespek het, vergelyk nie hulleself met ander nie. Dit maak dit vir hulle makliker om met ander mense oor die weg te kom en om sterk vriendskappe te vorm. Aan die ander kant is dié met min selfrespek meer geneig om krities te wees, wat verhoudings kan beskadig.

• Mense met selfrespek bly sterk, selfs wanneer hulle voor uitdagings te staan kom. Hulle bereik hulle doelwitte al raak dinge moeilik. Maar dié met min selfrespek beskou klein mislukkings dikwels as groot struikelblokke. Dit kan veroorsaak dat hulle maklik tou opgooi.

 WAT JY KAN DOEN

Kies vriende wat jou sal aanmoedig. Spandeer tyd met mense wat respekvol is, wat regtig in jou belangstel en wat jou sal aanmoedig.

Help ander. Wanneer jy liefdevol is en dinge vir ander doen – insluitende dié wat niks vir jou kan doen nie – sal jy ware geluk vind omdat jy aan ander gee. Jy sal gelukkig wees selfs al sien ander nie wat jy doen nie.

Help jou kinders om selfrespek aan te leer. Een manier hoe jy dit kan doen, is om hulle toe te laat om hulle eie probleme op te los, tot die mate wat hulle kan. Dit help kinders om te leer hoe om moeilike tye te hanteer en hoe om daardeur te kom. Wanneer hulle leer om dit te doen, sal hulle meer selfrespek nou hê en wanneer hulle volwassenes is.