Ons hoor net altyd wat verkeerd geloop het wanneer ’n familie uitmekaarval. Maar wat loop reg in families wat suksesvol is?

• In Amerika het daar baie meer mense in 2015 geskei as in 1990: twee keer soveel mense wat ouer as 50 is, en drie keer soveel mense wat ouer as 65 is.

• Ouers weet nie meer watter kant toe nie: Party kenners stel voor dat kinders die hele tyd net geprys moet word. Ander sê nou weer dat jy jou stem moet dik maak en streng reëls moet hê.

• Jongmense word nie die dinge geleer wat hulle nodig gaan hê wanneer hulle grootword nie.

Maar die waarheid is . . .

• Paartjies kan lank en gelukkig getroud bly.

• Ouers kan leer om hulle kinders met liefde te dissiplineer.

• Jongmense kan dinge leer wat hulle gaan help wanneer hulle grootword.

Hoe? Hierdie Ontwaak! bespreek 12 geheime wat jou familie kan help om suksesvol te wees.