’n Uitnodiging na ’n spesiale toespraak

Jy Kan veilig voel in hierdie wêreld vol probleme!

Hierdie Bybeltoespraak sal wêreldwyd in meer as 230 lande gehou word. Die toespraak sal op die meeste plekke op Sondag 15 April 2007 gehou word. Wat sal jy leer? Dink ’n bietjie hieroor na:

Wat laat miljarde mense regoor die wêreld onveilig voel?

Presies wanneer het mense die gevoel dat hulle veilig is, verloor?

Waar en hoe kan ware veiligheid gevind word?

Vind die antwoorde deur na hierdie belangrike Bybeltoespraak te kom luister wat op tienduisende plekke gehou sal word. In die meeste gevalle sal dit by die plaaslike Koninkryksaal van Jehovah se Getuies wees. Die Getuies in jou omgewing sal met graagte vir jou die tyd en adres gee. Ons nooi jou hartlik uit om na hierdie tydige en aanmoedigende Bybeltoespraak te kom luister.