As jy ’n jong Christen of ’n Bybelstudent is, is dit jou doel om gedoop te word? Hoekom moet dit jou doel wees? Toewyding en doop is die begin van ’n spesiale verhouding met Jehovah (Ps 91:1). Toewyding en doop kan ons ook red (1Pe 3:21). Hoe kan jy hierdie doel bereik?

Jy moet sélf seker maak dat hierdie die waarheid is. Wanneer daar vrae by jou opkom, moet jy navorsing doen om die antwoorde te kry (Ro 12:2). Identifiseer die veranderinge wat jy moet maak. En as jy dan daardie veranderinge maak, moet jy seker wees dat jy dit doen omdat jy Jehovah se hart bly wil maak (Spr 27:11; Ef 4:23, 24). Vra hom altyd in gebed om jou te help. Wees daarvan seker dat Jehovah jou deur middel van sy kragtige heilige gees sal versterk en ondersteun (1Pe 5:10, 11). Die werk wat jy insit, sal beslis die moeite werd wees. Om Jehovah te dien is die beste lewe wat daar is! – Ps 16:11.

KYK NA DIE VIDEO DIE PAD NA TOEWYDING EN DOOP, EN BEANTWOORD DAN DIE VOLGENDE VRAE:

• Watter struikelblokke het party oorkom sodat hulle gedoop kon word?

• Hoe kan jy die geloof opbou wat nodig is om jou aan Jehovah toe te wy?

• Wat het party aangespoor om te doen wat nodig is sodat hulle gedoop kon word?

• Hoe seën Jehovah dié wat die keuse maak om hom te dien?

• Wat beteken dit om jou aan Jehovah toe te wy en gedoop te word?