HOEKOM DIT BELANGRIK IS: Persoonlike studie van God se Woord help ons om “verstandelik te begryp wat die breedte en lengte en hoogte en diepte” van die waarheid is (Ef 3:18). Dit help ons ook om onberispelik en onbesmet in ’n goddelose wêreld te bly en om “’n stewige greep op die woord van die lewe” te behou (Flp 2:15, 16). Persoonlike studie van God se Woord help ons om inligting te kies wat ons self nodig het. Hoe kan ons die grootste voordeel kry uit die tyd wat ons vir Bybellees en Bybelstudie gebruik?

HOE OM DIT TE DOEN:

• Merk verse en maak notas in jou eie Bybel, of dit nou in gedrukte of elektroniese formaat is

• Terwyl jy God se Woord lees, moet jy vrae vra soos: ‘Wie? Wat? Wanneer? Waar? Hoekom? Hoe?’

• Kry die feite. Doen navorsing oor ’n onderwerp of Bybelvers deur die hulpmiddele te gebruik wat ons daarvoor het

• Dink na oor wat jy lees om te sien hoe die inligting op jou van toepassing is

• Pas dit wat jy leer in jou eie lewe toe. – Lu 6:47, 48

KYK NA DIE VIDEO BEHOU “’N STEWIGE GREEP” – DEUR DOELTREFFENDE PERSOONLIKE STUDIE, EN BEANTWOORD DAN DIE VOLGENDE VRAE:

• Hoe het party verduidelik wat persoonlike studie is?

• Hoekom moet ons altyd eers bid voordat ons persoonlike studie doen?

• Wat kan ons help om ’n gedeelte in die Bybel beter te verstaan?

• Hoe kan ons gedeeltes in ons eie Bybel merk?

• Hoekom is dit so belangrik om daaroor na te dink wanneer ons God se Woord studeer?

• Wat moet ons doen met dit wat ons leer?