Party in ons gemeentes dien Jehovah al jare lank. Ons kan baie leer oor hoe hulle op Jehovah vertrou het. Ons kan hulle vra oor die geskiedenis van Jehovah se organisasie en oor hoe Jehovah hulle deur moeilike tye gehelp het. Ons kan dalk een van hulle een aand vir Gesinsaanbidding oornooi en hulle vra om ons van hulle ondervindinge te vertel.

As jy Jehovah al jare lank dien, vertel dan vir jonger broers en susters hoe Jehovah jou al gehelp het. Jakob en Josef het hulle nageslag vertel van al die dinge wat Jehovah vir hulle gedoen het (Ge 48:21, 22; 50:24, 25). Jehovah het later vir familiehoofde gesê om hulle kinders van sy magtige dade te leer (De 4:9, 10; Ps 78:4-7). In ons dag kan ouers en ander in die gemeente vir jonger broers en susters vertel van die wonderlike dinge wat Jehovah deur sy organisasie gedoen het.

KYK NA DIE VIDEO BLY VERENIG AL WORD DIE WERK VERBIED, EN BEANTWOORD DAN DIE VOLGENDE VRAE:

• Hoe het die takkantoor in Oostenryk ons broers in party lande gehelp waar die werk verbied was?

• Hoe het die broers in hierdie lande hulle geloof sterk gehou?

• Hoe het baie verkondigers in Roemenië Jehovah se organisasie verlaat, en hoe het hulle teruggekom?

• Hoe versterk hierdie ondervindinge jou geloof?