Die groot verdrukking is voor die deur, en daarom is ons predikingswerk dringend (Spr 24:11, 12, 20). Om mense te help, kan ons kontakkaartjies gebruik om hulle aandag te vestig op God se Woord en op ons webwerf. Op die kaartjie is ’n kode wat jou neem na die video Waarom moet jy die Bybel studeer? en na ’n uitnodiging om meer inligting of ’n Bybelstudie aan te vra. Party mense is nie bereid om ons lektuur te neem nie, maar hulle sal wel ons webwerf besoek. Moenie huiwer om vir hulle ’n kontakkaartjie te gee nie. Maar ons moenie kontakkaartjies gee vir mense wat nie belangstel nie.

In jou daaglikse roetine kan jy iemand se belangstelling wek deur eenvoudig te sê: “Ek het iets wat ek vir jou wil gee. Hierdie kaartjie neem jou na ’n webwerf wat gratis inligting en video’s oor ’n verskeidenheid onderwerpe bevat” (Joh 4:7). Omdat die kontakkaartjies klein is, kan jy dalk ’n paar by jou hou sodat jy by elke geleentheid vir iemand een kan gee.