’n Takelaar maak gereed om ’n siftingstoestel in die Sterling Forest-meer (Blue Lake) te laat sak. Die toestel sal voorkom dat stukke boumateriaal by die laagliggende monding van die meer ingaan.

Die strukturele span gebruik spuitbeton op die dakrelings van die Instandhoudingsgebou. Hierdie metode is vinniger as die gebruiklike metodes waartydens aangemaakte beton gebruik word.

’n Fotograaf in die Dokumentasie-afdeling neem foto’s van die bouwerk. Die Bestuursliggaam van Jehovah se Getuies kyk elke week na foto’s om te sien hoe die projek vorder.

Twee vrywilligers van Suid-Kalifornië kom om in die Loodgietersafdeling te werk. Hulle was onder die honderde vrywilligers wat daardie dag na Tuxedo, die voorbereidingsterrein vir die bouwerk by Warwick, gekom het. Op 1 Augustus het ’n rekordgetal van 707 nuwe werkers gekom om met die projek te help.

Kontrakteurs gebruik ’n hyskraan om ’n buitemuurpaneel in plek te plaas. Woongebou B was die laaste woongebou waar die muurpanele en vensters geïnstalleer is.

Die brug wat woongebou C en D met mekaar verbind, word deur kontrakteurs geïnstalleer.

Landskapargitekte lê gras aan die westelike kant van die terrein.

Die strukturele span is besig met opknappingswerk aan die hoofoorloop, wat saam met die dam werk. Die oorspronklike struktuur is in die 1950’s gebou. Die opknappingswerk maak voorsiening vir die groter storms en hoër reënval wat die gebied nou ondervind en beskerm dus die Warwickbouterrein en omliggende eiendomme teen vloedskade.

Om te voorkom dat daar te veel werkers op een slag op die bouterrein is, word die werk aan die binnekant, soos verfwerk en isolering van pype, tot saans laat gedoen. Tydens die tweede skof moes honderde werkers van 3:00 nm. tot 2:00 vm. werk.

’n Lid van die HVAC-span lei ’n ander werker op om pype te isoleer.

Die brug wat Woongebou B met die Instandhoudingsgebou verbind, word geverf.

In die agterste parkeerterrein wag talle werkers vir vervoer na Warwick. ’n Vloot busse vervoer werkers na en van die bouterrein.

Drie van die werkers by Warwick se hare word gesny. Meer as 400 werkers se hare word elke week gesny in die haarsalon by Tuxedo, Warwick, en die pakhuis in Montgomery.

Gietvorms word in plek gesit om beton by die geotermiese veld te gooi. Daar word 120 skagte wat sowat 150 meter diep is, gebruik wat aanvullende verhitting in die winter en verkoeling in die somer sal bied. Geotermiese energie verlaag koste asook die omgewingsvoetspoor van die terrein.

Voorraad word ontvang van verskaffers en dan vir spesifieke take verpak vir die Warwickbouterrein.

Twee van die werkers by Warwick (tweede en derde van regs) geniet ’n maaltyd saam met ’n plaaslike gesin. Verskeie gesinne van Jehovah se Getuies, soos hierdie een, het huisvesting voorsien vir vrywilligers wat aan die projek werk.

’n Werker gaan hoogtegrade na met behulp van ’n outomatiese waterpas.

Vensters is in die hoofportaal geïnstalleer waar besoekers vir toere sal aanmeld.

Tussen Mei en Augustus is muurpanele en dakke voltooi van Woongebou B, die finale woongebou. Alle voetgangerbrûe tussen geboue is geïnstalleer en verskeie tuinuitlegprojekte is begin.