Op 19 Maart 2023 het broer Youssouf Ouedraogo, ’n lid van die Takkomitee in Benin, die vrystelling van die Nuwe Wêreld-vertaling van die Bybel in Moré aangekondig. Hierdie aankondiging was gemaak tydens ’n program wat in persoon gehou is in Ouagadougou, die hoofstad van Burkina Faso. a Baie mense van ander stede het by die program deur middel van videoverbinding ingeskakel. Altesaam was daar 1 730 mense wat dit bygewoon het. Ná die vrystelling was gedrukte kopieë vir die persone in die gehoor uitgedeel, en die digitale formaat was beskikbaar om afgelaai te word.

Moré is die taal wat die meeste gepraat word in Burkina Faso, en dit is die moedertaal van sowat agt miljoen mense. Dit word ook gepraat in naburige lande soos Côte d’Ivoire, Ghana, Mali, Senegal en Togo.

Dit is die eerste keer dat Jehovah se Getuies die volledige Bybel in ’n plaaslike taal van Burkina Faso vertaal. Hoewel daar ’n paar ander vertalings van die Bybel in Moré is, bevat nie een van hulle God se naam, Jehovah, nie.

Een vertaler het gesê: “Dit was veral ’n uitdaging om party van die poëtiese boeke, soos Spreuke en Hooglied van Salomo, te vertaal, want sulke digterlike taal is nie natuurlik in Moré nie. Maar nadat ons dit vertaal het, was ons verbaas en opgewonde om te sien dat die boodskap in hierdie boeke so maklik is om te verstaan!”

Ons is baie bly dat ons broers en susters wat Moré praat, hierdie geskenk van Jehovah ontvang het. – Jakobus 1:17.