Op 30 Augustus 2019 het Jehovah se Getuies die Nuwe Wêreld-vertaling van die Bybel in die Luo-taal vrygestel by ’n streekbyeenkoms in Kisumu, Kenia. Broer Remy Pringle, ’n lid van die Takkomitee in Kenia, het die Bybel op die eerste dag van die byeenkoms vrygestel. Altesaam 2 481 het die byeenkoms bygewoon, insluitende party wat ingeskakel het by twee ander byeenkomste.

Die vertaalprojek het omtrent drie jaar gevat. ’n Lid van die vertaalspan het gesê: “Dit sal ’n groot uitwerking op die broers en susters hê wat graag die volledige Nuwe Wêreld-vertaling in Luo wou gehad het. Die meeste gesinne in ons gemeentes kon nie die volledige Bybel vir almal in die gesin bekostig nie. So dit sal ’n seëning vir almal wees om hulle eie Bybel te hê. En omdat die moderne taal wat in hierdie vertaling gebruik is, makliker is om te verstaan, sal dit persoonlike studie en gesinsaanbidding lekkerder maak. Dit sal regtig die lesers se geloof versterk.”

Die Nuwe Wêreld-vertaling is al in sy geheel of gedeeltelik in 184 tale vertaal, insluitende 25 volledige hersiene uitgawes wat op die 2013-uitgawe gebaseer is. Ons weet dat hierdie vrystelling sal die ongeveer 1 800 verkondigers help wat Luo praat in die gebied van die takkantoor in Kenia. Dit sal hulle help om aan te hou om nader aan Jehovah te kom. Dit sal hulle ook help om vir die meer as 5 miljoen mense wat Luo praat, te preek. – Matteus 24:14.