Die Sofala- en Manica-provinsies in Sentraal-Mosambiek, insluitend gebiede wat in Maart 2019 deur sikloon Idai getref is

• Tropiese storm Chalane het die Mosambiekse kus op 30 Desember 2020 getref. Oorstromings en gevolglike grondstortings het oral baie skade aangerig

• Drie verkondigers het ligte beserings opgedoen

• 34 huise is beskadig, maar nie te erg nie

• 12 huise is erg beskadig

• 16 huise is heeltemal vernietig

• 7 Koninkryksale is beskadig, maar nie te erg nie

• 4 Koninkryksale is erg beskadig

• 1 Koninkryksaal is heeltemal vernietig

• ’n Noodlenigingskomitee is aangestel om die plaaslike noodlenigingswerk te reël, wat insluit dat tydelike skuilings opgerig word vir verkondigers wie se huise vernietig is. Al die noodlenigingswerk word gereël in ooreenstemming met COVID-19-veiligheidsmaatreëls

Ons bid dat Jehovah sal aanhou om ons broers en susters te help wat deur hierdie onlangse storm geraak is. – Psalm 121:2.