Op 19 September 2023 is broer Aleksandr Nikolajef vrygelaat uit ’n tronk in Rusland nadat hy amper twee jaar in aanhouding was. Toe Aleksandr vrygelaat is, was hy deur sy mede-aanbidders gegroet en met sy vrou, Jefgenija, en hulle vyf kinders verenig.

Vroeg in 2021 is die Nikolajef-gesin se huis deur FSB-beamptes en die polisie deursoek. Aleksandr is daarna gearresteer en tronk toe gestuur omdat hy die Bybel met familie en vriende bespreek het.

Voordat hy in hegtenis geneem is, het Aleksandr gesê wat hom help om lojaal te bly. Hy het gesê: “Ek het besef dat mensevrees en onsekerheid dit vir my onmoontlik kan maak om helder te dink. Daarom laat ek nie toe dat sulke vrese my beheer nie. Ek bid tot Jehovah om my te help om meer op hom te vertrou, en hy het my in hierdie opsig versterk.”

Ons is bly dat Aleksandr nou weer vry is en saam met sy gesin kan wees. Jehovah “vind vreugde” in sy lojale knegte wanneer hulle geloof en moed toon as hulle onregverdig behandel word. – Psalm 149:4.