9 NOVEMBER 2022
RUSLAND

Broer Andrei Danieljan tot ses jaar tronkstraf gevonnis

SPEEL

Op 7 November 2022 het die Roebtsofski-stadshof van die Altai-gebied broer Andrei Danieljan skuldig bevind en hom tot ses jaar tronkstraf gevonnis. Hy was dadelik in hegtenis geneem.

Tydlyn

25 Mei 2021

Kriminele saak word begin nadat hulle Andrei se aktiwiteite maande lank dopgehou het en sy gesprekke afgeluister het
26 Mei 2021

Woonstel word deursoek. Andrei en sy vrou word aangehou en ondervra. Reisbeperkings is op Andrei geplaas
13 Julie 2022

Amptelik aangekla van die organisering van die bedrywighede van ’n ekstremistiese organisasie
5 September 2022

Kriminele verhoor begin
7 November 2022

Tot ses jaar tronkstraf gevonnis

Profiel

Andrei Danieljan

Gebore: 1969 (Aleisk, Altai-gebied)

Agtergrond: Het as opsigter by ’n skool gewerk

Was bly om te leer dat God die probleme sou wegneem wat die mens op die aarde veroorsaak het. Gedoop as een van Jehovah se Getuies in 1992

Trou met Nina in 1997

Persoonlike kommentare

Wat help jou om jou integriteit te behou? a

Die lewe is nou moeilik, en dinge gaan dalk net erger word in die toekoms. Ek wil volhard, maar net om die begeerte te hê, is nie genoeg nie. ’n Atleet wat ’n kompetisie wil wen, moet voor die tyd voorberei en hard oefen. Dit is nou die tyd om seker te maak dat ek ’n goeie verhouding met Jehovah het sodat ek my integriteit kan behou wanneer ek in die toekoms deur moeilike tye gaan. Om daaroor na te dink, help my om my vertroue in Jehovah te versterk en om hom te vra om my te help om moedig, geduldig en sterk te bly. Die apostel Paulus het in 1 Timoteus 4:8 geskryf: “Want fisiese oefening het min voordeel, maar toegewydheid aan God is voordelig vir alles, want dit hou ’n belofte in vir die lewe wat ons nou het en die lewe wat sal kom.”

Ons waardeer die goeie voorbeeld van Andrei en baie ander broers en susters wat vasbeslote is om godvrugtige toegewydheid aan te leer terwyl ons almal uitsien na ‘die belofte vir die lewe wat sal kom’. – 1 Timoteus 4:8.

a Broer Danieljan het sy kommentare gegee voordat hy gevonnis is.

Jy sal dalk ook hiervan hou

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE