10 JUNIE 2024
RUSLAND

Broer Igor Kasabof kry opgeskorte tronkvonnis van twee jaar

SPEEL

Op 14 Mei 2024 het die Oktjabrski-distrikshof van Tambof broer Igor Kasabof skuldig bevind. Hy is ’n opgeskorte tronkvonnis van twee jaar gegee. Hy hoef nie op hierdie stadium tronk toe te gaan nie.

Profiel

Igor Kasabof

Gebore: 1955 (Bakoe, Azerbeidjan)

Agtergrond: Het in die lugvaartbedryf gewerk. Is nou afgetree

Trou met Irina in 1981

Het as ’n paartjie die Bybel saam met Jehovah se Getuies begin studeer. Hulle was bly om te leer dat God vrede en geregtigheid op aarde gaan herstel. Albei is in 1993 gedoop

Persoonlike kommentare

Wie se voorbeeld in die Bybel het jou aangemoedig?

Wanneer ek mismoedig begin voel, dink ek aan ’n paar mense wat in die Bybel genoem word, insluitende Habakuk. Sy voorbeeld moedig my veral aan omdat hy moes leer om op Jehovah te wag. Ek werk ook daaraan om geduldig te wees. ’n Hele paar jaar gelede het my vrou ’n beroerte gehad, en ek het ’n hartaanval gehad. Ons is baie beperk in wat ons kan doen. Maar ons is oortuig daarvan dat ons nog steeds Jehovah se goedkeuring het. Om die waarheid te sê, ons voel dat Jehovah in hierdie moeilike tye nog nader aan ons is. Hy is nog lief vir ons, en dit is baie duidelik in al die hulp wat hy voorsien.

Ons is oortuig dat Jehovah sal aanhou om Igor en Irina te seën terwyl hulle aanhou om op Hom vir krag te vertrou. – Habakuk 3:19.

Tydlyn

11 April 2023

Huis word deursoek. Elektroniese toestelle word weggeneem
12 April 2023

Kriminele saak word gemaak
28 Maart 2024

Kriminele verhoor begin
14 Mei 2024

Word skuldig bevind en ’n opgeskorte tronkvonnis van twee jaar gegee

Sien ook

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE