20 APRIL 2023
RUSLAND

Broer Ochapkin word versterk deur na die skepping te kyk

SPEEL

Die Kinesjemski-stadshof van die Iwanowo-streek sal binnekort sy uitspraak lewer in die saak teen broer Andrei Ochapkin. Die aanklaer het nog nie ’n spesifieke vonnis aangevra nie.

Profiel

Andrei Ochapkin

Gebore: 1962 (Zawolzjsk, Iwanowo-streek)

Agtergrond: Werk as ’n rekenaarprogrammeerder en ’n onderwyser in fisika

Trou met Irina in 1987. Sy het die Bybel saam met Jehovah se Getuies in 1994 begin studeer. Andrei het ook die Bybel begin studeer nadat hy oortuig was van die bestaan van ’n Skepper. Albei is in 1995 gedoop

Persoonlike kommentare

Wat het jou gehelp om gevoelens van ontmoediging te oorkom terwyl jy onder huisarres was?

Spesifieke gebede aan Jehovah, al was hulle kort, het my gehelp om nie jammer vir myself te voel nie. En wanneer ek ook al mismoedig gevoel het, het ek altyd aan Job gedink. Jehovah het dinge in die skepping gebruik om Job aan Sy wonderlike eienskappe te herinner. So ek het dit ook probeer doen. Ek was lief daarvoor om na die sonsopkoms te kyk. Ek het mooi gekyk na die wolke, die lug en die bome. Ek het my verwonder oor die ongelooflike manier waarop die voëls vlieg. Ek het die klein katjies en hondjies dopgehou wat buite ons woonstel gebly het. Ek het amper vyf maande al hierdie dinge van my balkon af dopgehou. Dit het my gehelp om meer van Jehovah se eienskappe in die skepping raak te sien. Ek verstaan nou beter watter liefdevolle Vader Jehovah werklik is.

Hoe is jy deur ander aangemoedig wat ook deur moeilike tye gaan?

Terwyl ek in aanhouding voor my verhoor was, het ek ’n brief gekry van ’n ander broer wat in die tronk is. Hy het geskryf: “Mense vra my: ‘Was jy bang?’ Om nee te sê sou die verkeerde antwoord wees. Maar ons moet ons vrese oorkom, en daarom moet ons moedig wees. As Jehovah se knegte is ons bekend vir ons moed, want wanneer ons nie moed het nie, gee Jehovah dit vir ons. Onthou, wat belangrik is, is hoe sterk ons geloof is en nie hoe groot ons probleme is nie.” Deur sy ondervinding en die ondervindinge van ander te lees, het my daaraan herinner dat ek my verhouding met Jehovah moet versterk en my gedagtes en hart met geestelike voedsel moet vul.

Soos Andrei, is ons dankbaar vir “die wonderlike werke van God”, wat ons herinner aan Sy liefdevolle sorg. – Job 37:14.

Tydlyn

18 November 2021

Kriminele saak word gemaak
23 November 2021

Ses huise van Jehovah se Getuies word deursoek, onder andere Andrei se huis. Gearresteer en in tydelike aanhouding geplaas
24 November 2021

Word krimineel aangekla
25 November 2021

Word in aanhouding voor sy verhoor geplaas
17 Februarie 2022

Vrygelaat uit aanhouding voor sy verhoor en onder huisarres geplaas
14 Julie 2022

Vrygelaat uit huisarres en onder reisbeperkings geplaas
15 Desember 2022

Kriminele verhoor begin

Jy sal dalk ook hiervan hou

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE