10 JULIE 2023
RUSLAND

Drie susters skuldig bevind in Komsomolsk aan die Amoer

SPEEL

Op 23 Maart 2023 het die Centralni-distrikshof van Komsomolsk aan die Amoer susters Tatjana Bondarenko, Jelena Nesterowa en Tatjana Swoboda skuldig bevind. Hulle het elkeen ’n opgeskorte vonnis van vyf jaar ontvang. Hulle hoef nie op hierdie stadium tronk toe te gaan nie.

Profiel

Tatjana Bondarenko

Gebore: 1960 (Komsomolsk aan die Amoer, Chabarowsk-gebied)

Agtergrond: Het gewerk in ’n fabriek met ’n masjien wat graan maal en later as ’n huishoudster

Trou met Wladimir in 1992. Hulle het drie seuns

Het begin om die Bybel te studeer nadat sy geleer het van God se doel vir die mensdom en sy belofte van ’n paradysaarde. Gedoop in 2005

Persoonlike kommentare

Hoe het jy Jehovah se hulp ondervind gedurende hierdie moeilike tyd?

My man, wat nie een van Jehovah se Getuies is nie, was in die hospitaal toe ons huis deursoek is. Hy het my probeer bel om te sê dat die dokters hom wou ontslaan, maar aangesien die owerhede my foon afgevat het, kon hy my nie in die hande kry nie. Dit was eers baie later daardie aand, nadat die ondersoek verby was, dat ek ’n nuwe foon kon kry en hom kon bel om te verduidelik wat gebeur het. Die hele situasie het ons baie angstig gemaak. Maar ek onthou dat ek Jehovah gevra het om my kalm te maak, en hy het my gebed beantwoord. Toe ek en my man uiteindelik daardie aand by die huis kom, was hy so liefdevol en het hy my gehelp om die huis skoon te maak nadat dit deursoek is. Hierdie ondervinding het my gehelp om selfs meer op Jehovah te vertrou.

Jelena Nesterowa

Gebore: 1967 (Komsomolsk aan die Amoer)

Agtergrond: Het gewerk as ’n rekenmeester

Het twee dogters gehad, een is in 1998 oorlede

Is voorgestel aan Jehovah se Getuies toe sy ’n prokureur gehuur het wat ’n Getuie is. Is beïndruk deur hulle eerlikheid en die gebruik van die Bybel om haar vrae te beantwoord. Gedoop in 1997

Persoonlike kommentare

Wat het jy gedurende hierdie moeilike ondervinding geleer?

Ek sien nou duidelik hoe die raad wat ons oor gehoorsaamheid ontvang, ons bevoordeel. Nie lank nadat ek aangekla is nie, het ’n broer voorgestel dat ek my laaste woorde aan die hof moet voorberei. Ek sou eers my laaste woorde aan die hof aan die einde van my verhoor moes voorlees, en ek het by myself gedink: ‘Niks het nog eers gebeur nie.’ Maar nadat ek daaroor gebid het, het ek besluit om neer te skryf wat ek sou sê. Gedurende die verhoor het alles so vinnig gebeur, en as ek nie voor die tyd voorberei het nie, sou ek nie ’n goeie getuienis in die hof kon gee nie. So, om na die broers te luister, al het ek nie heeltemal die redes verstaan nie, was regtig tot my voordeel.

Ons bid dat Jehovah sal aanhou om ons susters te seën en te versterk terwyl hulle getrou bly gedurende moeilike tye. – Rut 2:12.

Tydlyn

21 September 2021

Kriminele saak word gemaak teen Tatjana Swoboda
18 Oktober 2021

Owerhede begin ook vir Tatjana Bondarenko en Jelena Nesterowa ondersoek
20 Oktober 2021

Huise word deursoek
28 Augustus 2022

Aanklagtes word gemaak
28 Desember 2022

Kriminele verhoor begin
23 Maart 2023

Word skuldig bevind en opgeskorte tronkvonnisse van vyf jaar gegee

Sien ook

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE