28 JANUARIE 2022
RUSLAND

JONGSTE NUUS | Anna Safronowa tot ses jaar in ’n strafkolonie gevonnis

Swaarste, langste vonnis wat ’n suster gekry het vandat die werk in 2017 verbied is

SPEEL

Op 14 April 2022 het die Astrachan-streekhof suster Anna Safronowa se appèl verwerp. Sy is nog steeds in die tronk.

Op 25 Januarie 2022 is suster Anna Safronowa, wat 56 jaar oud is, skuldig bevind in die Troesofski-distrikshof van die Astrachan-streek en tot ses jaar in ’n strafkolonie gevonnis. Sy is onmiddellik in hegtenis geneem.

Tydlyn

28 Mei 2021

Kriminele saak is begin
2 Junie 2021

Owerhede deursoek die huis waar sy saam met haar ma, wat 81 jaar oud is, woon. Anna is in aanhouding geplaas
3 Junie 2021

Uit aanhouding vrygelaat en onder huisarres geplaas. Verbied om haar huis te verlaat, behalwe om een uur per dag te gaan stap, van 9:00 tot 10:00
10 Junie 2021

Bygevoeg by die lys van ekstremiste en al haar bankrekeninge is gevries
24 Januarie 2022

Sy het in haar laaste kommentaar voor die hof gesê: “Jesus het sy volgelinge in Matteus 5:44 geleer om ‘[hulle] vyande lief te hê en om te bid vir die mense wat [hulle] vervolg’. Hoekom? Want daar is baie voorbeelde van vervolgers wat aanbidders van Jehovah geword het.

“Ek hoop regtig dat ten minste een van die FSB se offisiere, speurders, sekuriteitswagte, regsgeleerdes en ander wat my hoor en my gedrag sien, anders oor Jehovah se Getuies sal begin voel . . . Miskien sal ten minste een persoon die Bybel wil lees, antwoorde op vrae wil vind, ’n begeerte ontwikkel om God te leer ken of selfs een van sy knegte word.”
25 Januarie 2022

Skuldig bevind en tot ses jaar tronkstraf gevonnis

Profiel

Anna Safronowa

Gebore: 1965 (Wolgograd, Wolgograd-streek)

Agtergrond: Het as ’n kind musiek gestudeer en in ’n koor gesing. Het ’n ontwerp-ingenieur geword. Het ’n weduwee geword toe haar seun 11 jaar oud was. Sorg vir haar bejaarde ma

Geniet dit om kaartjies met prente daarop te maak en gedigte vir haar vriende te skryf

Het die waarheid leer ken nadat haar ma die Bybel saam met Jehovah se Getuies begin studeer het. Die Bybel se boodskap dat God mense van alle nasies sal verenig, het haar hart geraak. Is in 1996 gedoop

Persoonlike kommentare a

Hoe is jy gedurende hierdie moeilike tyd ondersteun?

Die ondersteuning wat my broers en susters my gegee het, help my baie. . . . Hulle het vir my en my ma aanmoedigende boodskappe, elektroniese kaartjies en video’s gestuur.

Daar is veral een kaartjie wat iemand my gegee het wat ’n groot impak gehad het. Die kaartjie het gesê: “Wie voor jou staan, is nie belangrik nie. Wat belangrik is, is wie agter jou staan.”

[Dit laat my dink aan ’n vers] wat my veral krag gegee het . . . In Jesaja 12:2 sê dit: “God is my redding. Ek sal op hom vertrou en nie bang wees nie, want Jah Jehovah is my sterkte en my mag, en hy het my redding geword.” . . . Ek weet dat selfs al word my omstandighede nog moeiliker in die toekoms, Jehovah my die krag sal gee wat ek nodig het om dit te hanteer.

Watter les het jy gedurende hierdie ondervinding geleer?

[Ek het geleer om] my balans te behou . . . Dit is nie die moeite werd om te veel op moontlike probleme te fokus nie. Dit kan my depressief en onnodig bang maak wat kan veroorsaak dat ek Jehovah ophou dien. Hy help my op net die regte tyd. [Hierdie wete] versterk my geloof en help my om aan te hou om ’n sterk verhouding op te bou met my betroubaarste Vriend, Jehovah.

Die getroue voorbeelde van ons broers en susters in Rusland en die Krim moedig ons aan terwyl ons na ons hemelse Vader kyk om ons die krag te gee om te volhard. – 2 Tessalonisense 1:4.

a Die onderhoud is gevoer voordat sy gevonnis is.

Jy sal dalk ook hiervan hou

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE