27 DESEMBER 2022 | BYGEWERK: 27 MAART 2023
RUSLAND

JONGSTE NUUS – BOETE GEGEE | ‘Wanneer ons deur moeilike tye gaan, sal Jehovah ons sterk maak’

SPEEL

Op 23 Maart 2023 het die Apatiti-stadshof van die Moermansk-streek broer Denis Merkoelof skuldig bevind. Hy is ’n boete van 500 000 roebel (omtrent R118 000) gegee.

Profiel

Denis Merkoelof

Gebore: 1976 (Kirofsk, Moermansk-streek)

Agtergrond: Werk as ’n sweiser en elektrisiën

Was baie daaroor bekommerd om dood te gaan, want hy het geweet dat nie een van ons die dood kan vermy nie. Was baie opgewonde om te leer van God se doel met die mens terwyl hy saam met Jehovah se Getuies studeer het. Gedoop in 1995. Getroud met Natalija in 1998

Persoonlike kommentare

Wat het jy oor jouself geleer uit hierdie ondervinding?

Ek het besef dat moeilike tye my nie outomaties ’n beter persoon maak nie. Om elke dag op Jehovah te vertrou, is wat my help om te volhard. Ek vra die heeltyd myself af: ‘Wys my daaglikse besluite en my doelwitte hoeveel ek op Jehovah vertrou? Hoeveel tyd sit ek opsy vir my Bybellees, voorbereiding vir vergaderinge en deelname aan die predikingswerk om die goeie nuus met ander te deel?’ Wanneer iets gebeur wat ’n mens se lewe heeltemal verander, is dit net ’n goeie verhouding met Jehovah en sterk geloof wat my help om kalm te bly en te volhard.

Is daar ’n teks in die Bybel wat jou veral gehelp het?

Die aand voor ek in hegtenis geneem is, het ek en my vrou Jesaja 41:10 bespreek. Dit sê daar: “Moenie bang wees nie, want ek is met jou. Moenie angstig wees nie, want ek is jou God. Ek sal jou versterk, ja, ek sal jou help. Ek sal jou stewig vashou met my regterhand van regverdigheid.” Toe ek die volgende dag in ’n tydelike detensiesentrum gesit is, het ek hierdie vers oor en oor vir myself gesê. Ek het aan die einde van elke sin gestop en gebid terwyl ek oor elke woord nagedink het. Op daardie oomblik het dit vir my gevoel of Jehovah hierdie woorde vir my persoonlik sê. Dit het my laat besef dat Jehovah ons nie deur moeilike tye laat gaan omdat ons sterk is nie. Wanneer ons deur moeilike tye gaan, sal Jehovah ons eerder sterk maak.

Dit maak nie saak voor watter uitdagings ons te staan kom nie, dit vertroos ons om te weet dat ons verhouding met Jehovah en ons vertroue in hom sal veroorsaak dat hy ons ‘standvastig en sterk sal maak’. – 1 Petrus 5:10.

Tydlyn

21 Julie 2021

Beamptes het 14 huise van Jehovah se Getuies in en om Apatiti deursoek. FSB-beamptes het broer en suster Merkoelof se woonstel met geweld binnegedring, en die paartjie aangehou en ondervra. Hulle is die volgende oggend vieruur vrygelaat
22 Julie 2021

Beamptes vra dat Denis terugkom na die speurder se kantoor. Hy word in tydelike aanhouding geplaas
23 Julie 2021

Word vrygelaat en onder huisarres geplaas
17 September 2021

Word vrygelaat van huisarres en onder reisbeperkings geplaas
15 Julie 2022

Word amptelik aangekla van die organisering van die bedrywighede van ’n ekstremistiese organisasie omdat hy “liedjies sing” en “tot Jehovah God bid”
20 September 2022

Kriminele verhoor begin

Jy sal dalk ook hiervan hou

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE