28 NOVEMBER 2022 | BYGEWERK: 27 APRIL 2023
RUSLAND

JONGSTE NUUS – BOETES GEGEE | Oorkom angstigheid deur op Jehovah te vertrou

SPEEL

Op 26 April 2023 het die Leninski-distrikshof van Nizjni Nowgorod broer Oleg Konsjin, Sergei Maljanof en Roman Zjiwoloepof a en suster Swetlana Maljanowa, Sergei se dogter, skuldig bevind. Die hof het hulle boetes gegee wat wissel van 450 000 roebel (meer as R105 800) tot 700 000 roebel (meer as R164 600).

Profiel

Sergei Maljanof

Gebore: 1969 (Nizjni Nowgorod, Nizjni Nowgorod-streek)

Agtergrond: Van jongs af geleer om ’n figuurskaatser te wees. Toer deur Rusland en ander lande as ’n akrobaat saam met die Moskou-sirkus op ys. Het ’n dogter, Swetlana, wat ook ’n beskuldigde in hierdie saak is

Begin die Bybel studeer nadat iemand saam met wie hy gewerk het, hom aan die Getuies voorgestel het. Woon vergaderinge in verskillende plekke by terwyl hy saam met die sirkusgroep gereis het. Was geraak deur die liefde en eenheid wat hy gesien het. Gedoop in 1998

Persoonlike kommentare

Hoe kon jy en jou dogter mekaar ondersteun gedurende hierdie moeilike ondervinding?

Gedurende die eerste ondervraging het die speurders dreigemente gemaak oor wat met my en my dogter sou gebeur as ek nie met hulle saamwerk en ’n skulderkenning teken nie. In ’n poging om emosionele druk op ons te plaas, het hulle selfs doelbewus ’n situasie geskep waar ek en my dogter “toevallig” bymekaar verbygeloop het in die gang van die aanhoudingsentrum. Ek dink hulle het gehoop dat as ek haar sien, dit my minder vasbeslote sou maak en ek bekommerd sou wees oor wat met haar sou gebeur as ek nie doen wat hulle sê nie. Maar die teenoorgestelde het gebeur. In daardie kort rukkie kon ons mekaar aanmoedig en verseker dat Jehovah ons sal help. In plaas daarvan om my bang te maak, het haar vertroue en vasbeslotenheid my aangespoor. Ek het dit baie duidelik gemaak dat dit nie saak maak wat hulle aan ons doen nie, ek sou geen skulderkenning teken nie.

Ons broers en susters wat getrou bly ten spyte van vervolging, bewys dat diegene wat ‘op Jehovah hoop, moedig en sterk van hart sal wees’. – Psalm 27:14.

Tydlyn

7 Februarie 2019

’n Regter gee die polisie toestemming om Sergei se telefoonoproepe en ander elektroniese kommunikasie te monitor
16-17 Julie 2019

Polisie deursoek die huise van 31 families wat Jehovah se Getuies is, in Nizjni Nowgorod en die Nizjni Nowgorod-streek. Oleg, Sergei en Swetlana is gearresteer en na ’n tydelike detensiesentrum geneem. ’n Kriminele saak is amptelik teen hulle gemaak
18 Julie 2019

Oleg, Sergei en Swetlana word vrygelaat uit die detensiesentrum. Die hof plaas beperkings op die twee broers wat hulle verbied om hulle huise op sekere tye te verlaat, om met mekaar te kommunikeer of om die internet te gebruik
24 Augustus 2021

Roman was amptelik aangekla van deelname aan die bedrywighede van ’n ekstremistiese organisasie en onder reisbeperkings geplaas
3 Maart 2022

Die kriminele verhoor begin

a b Geen foto van broer Roman Zjiwoloepof was beskikbaar toe die artikel gepubliseer is nie.

Jy sal dalk ook hiervan hou

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE