26 OKTOBER 2022 | BYGEWERK: 22 NOVEMBER 2022
RUSLAND

JONGSTE NUUS – BROER SKULDIG BEVIND | ‘Met God se ondersteuning kan ek enige iets deurmaak’

SPEEL

Op 21 November 2022 het die Asja-stadshof van die Tsjeljabinsk-streek broer Andrei Perminof skuldig bevind en hom ’n opgeskorte vonnis van ses jaar gegee. Hy hoef nie op hierdie stadium tronk toe te gaan nie.

Tydlyn

11 Junie 2021

Die huise van vyf families van Jehovah se Getuies, insluitende die huis van Andrei, was deursoek in die stede Asja en Minjar. Die owerhede het verskeie persoonlike besittings gekonfiskeer
10 November 2021

Word onder reisbeperkings geplaas
27 April 2022

Word daarvan aangekla dat hy deel is van ’n ekstremistiese organisasie en word op lys van terroriste gesit
6 Junie 2022

Kriminele verhoor begin

Profiel

Andrei Perminof

Gebore: 1972 (Asja)

Agtergrond: Was as kind baie aktief, maar was later in ’n rolstoel as gevolg van siekte. Het ná skool as ’n rekenmeester gewerk by ’n assosiasie vir gestremdes. Werk nou as ’n rekenaarprogrammeerder en webwerfadministrateur

Toe hy nog klein was, het hy gewonder oor die doel van die lewe. Begin die Bybel saam met Jehovah se Getuies in 1995 studeer. Gedoop in 1999. Trou met Natalja in 2015

Persoonlike kommentare

Watter voorbeeld in die Bybel versterk jou?

Onlangs het die speurder gebel en gesê dat ek binnekort van ’n misdaad aangekla gaan word. Toe ek dit hoor, het ek baie angstig en bekommerd geword. Maar op dieselfde dag het ek en my vrou die gedeelte oor Dawid se lewe gelees toe die Amalekiete die stad Siklag ingeneem het en almal daarin gevange geneem het. Op daardie stadium het Dawid “hard gehuil totdat [hy] nie meer krag gehad het om te huil nie”. “Dawid was baie ontsteld, [tog het] Dawid by Jehovah sy God hulp gesoek” (1 Samuel 30:4, 6). Dawid se voorbeeld het my gehelp om te onthou dat ek met Jehovah se ondersteuning enige iets kan deurmaak. Dit maak nie saak wat ons miskien verloor nie, selfs al is dit ons gemoedsrus of goeie naam, ons Vader sal ons help.

Soos Andrei, gee die manier hoe Jehovah ander mense in die verlede gehelp het, ons moed. Ons het volle vertroue in God se belofte: “Net soos ek in die verlede gedoen het, sal ek jou ondersteun en dra en red.” – Jesaja 46:4.

Jy sal dalk ook hiervan hou

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE