25 AUGUSTUS 2023 | BYGEWERK: 4 APRIL 2024
RUSLAND

JONGSTE NUUS – BROER SKULDIG BEVIND | “Niks gee my groter vreugde as my verhouding met Jehovah nie”

SPEEL

Op 3 April 2024 het die Gorjatjekljoetjefskoi-stadshof van die Krasnodar-gebied broer Pawel Sidorenko skuldig bevind en hom ’n opgeskorte tronkvonnis van drie jaar gegee. Hy hoef nie op hierdie stadium tronk toe te gaan nie.

Profiel

Pawel Sidorenko

Gebore: 1958 (Krimsk, Krasnodar-gebied)

Agtergrond: Het as ’n meganiese ingenieur gewerk

Trou met Marina in 1981. Hulle het een dogter

Het in Jehovah se Getuies begin belangstel toe sy vrae oor die oorsprong van die lewe uit die Bybel beantwoord is. Hy en Marina is in 1991 gedoop

Persoonlike kommentare

Watter verse uit die Bybel het jou in hierdie moeilike tye aangemoedig?

Ek waardeer wat in Romeine 8:38, 39 verduidelik word, waar dit sê: “Want ek is daarvan oortuig dat nie die dood of die lewe of engele of regerings of dinge wat nou gebeur of dinge wat nog gaan gebeur of magte of hoogte of diepte of enige ander skepping ons sal kan skei van God se liefde . . . nie.” Hierdie woorde het my verseker dat Jehovah nooit sal ophou om vir my lief te wees nie, en dit het my baie versterk. Hy weet wat ek deurmaak en verstaan hoe ek voel. Niks gee my groter vreugde as my verhouding met Jehovah nie.

Net soos Pawel, is ons verheug omdat ons weet dat ons pogings om op “die pad van die lewe” te bly, ons oorvloedige vreugde en geluk sal bring. – Psalm 16:11.

Tydlyn

26 Januarie 2022

Kriminele saak word gemaak
28 Januarie 2022

Huis word deursoek. Word ondervra en onder reisbeperkings geplaas
22 Maart 2023

Kriminele verhoor begin

Sien ook

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE