28 APRIL 2023 | BYGEWERK: 16 Junie 2023
RUSLAND

JONGSTE NUUS – BROER SKULDIG BEVIND | ‘Niks kan my vreugde van my af wegneem nie’

SPEEL

Op 15 Junie 2023 het die Kowrof-stadshof van die Wladimir-streek broer Roman Adestof skuldig bevind en hom tot een jaar tronkstraf gevonnis. Omdat hy reeds in aanhouding was voor sy verhoor, hoef hy nie terug te keer tronk toe nie.

Profiel

Roman Adestof

Gebore: 1976 (Kowrof)

Agtergrond: Sy pa is oorlede toe Roman 13 jaar oud was. Werk as ’n elektriese en gassweiser

Trou met Alina in 1999. Hulle het een dogter

Word oortuig van die krag van die Bybel toe hy die beginsels daarin begin toepas en sien hoe dit sy lewe verander. Alina is in 2005 as een van Jehovah se Getuies gedoop en Roman in 2006

Persoonlike Kommentare

Hoe het jou geestelike familie jou gehelp?

Dit is wonderlik om te weet dat ek omring is deur ander broers en susters regoor die wêreld wat Jehovah net so lief het soos ek! En om te weet dat so baie van my dierbare broers en susters vir my bid, versterk my om aan te hou om Jehovah te dien en om aan te hou om op die pad wat na die nuwe wêreld lei, te bly. Ek en my vrou pas ook die raad toe wat ’n broer ons gegee het. Hy het ons herinner dat wanneer ons ophou om belangstelling in ander te wys, ons vir onsself begin jammer voel. Ons doen ons bes om aan ander mense te gee, en dit help ons om nie deur ons eie probleme oorweldig te word nie. Ek is so dankbaar dat Jehovah my toegelaat het om deel van sy groot familie te word.

Wat help jou om positief te bly al weet jy nie regtig wat met jou gaan gebeur nie?

Daar is geen manier om te weet wat môre gaan gebeur nie, en ek kan ook nie voorberei vir elke situasie nie. Maar ek kan vol vertroue wees dat ek Jehovah se goedkeuring het. Ek onthou dat hy my help om teen hierdie goddelose wêreld te veg en getrou aan hom te bly. En as ek bereid is om my liefdevolle God, Jehovah, heelhartig te dien, kan niks my vreugde van my af wegneem nie.

Ons is oortuig dat Jehovah, die “ewige Rots”, sal aanhou om ‘dié te beskerm wat ten volle op hom vertrou’ en dat hy ‘hulle blywende vrede sal gee’. – Jesaja 26:3, 4.

Tydlyn

28 Junie 2021

Kriminele saak word gemaak
8 Julie 2021

Huis word deursoek. Word gearresteer
9 Julie 2021

Word in aanhouding voor sy verhoor geplaas
25 November 2021

Word vrygelaat uit aanhouding voor sy verhoor en onder huisarres geplaas
21 Junie 2022

Word vrygelaat uit huisarres en onder reisbeperkings geplaas
26 September 2022

Kriminele verhoor begin

Jy sal dalk ook hiervan hou

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE