3 MEI 2023 | BYGEWERK: 13 DESEMBER 2023
RUSLAND

JONGSTE NUUS – BROER TRONK TOE GESTUUR | ‘Jehovah is die heeltyd bewus van waar ek is’

SPEEL

Op 7 Desember 2023 het die Kirofski-distrikshof van Kazan broer Aleksei Gerasimof skuldig bevind en hom tot ses jaar tronkstraf gevonnis. Hy is in die hof in hegtenis geneem.

Profiel

Aleksei Gerasimof

Gebore: 1980 (Oest-Koet, Irkoetsk-streek)

Agtergrond: Werk as ’n chauffeur

Trou met Natalija in 2006

Toe hy die broederlike liefde onder Jehovah se Getuies sien, het dit hom oortuig dat hulle ware Christene is. Aleksei en Natalija is albei in 2007 gedoop

Persoonlike kommentare

Watter Bybeltekste het jou die meeste gehelp gedurende hierdie moeilike tyd?

Ek het ontmoedig gevoel nadat ons huis deursoek is. Ek was baie angstig in die dae voordat ek vir die eerste keer in die hof verskyn het. Maar ek was aangemoedig toe ’n broer my herinner het aan die teks in Jesaja 49:15, 16, waar Jehovah sê: “Kan ’n vrou haar eie baba vergeet en haar nie ontferm oor haar kind aan wie sy geboorte gegee het nie? Selfs al sou ’n vrou haar kind vergeet, sal ek jou nooit vergeet nie. Kyk! Ek het jou op my palms gegraveer.” Hierdie verse verseker my dat Jehovah die heeltyd bewus is van waar ek is en wat met my gebeur, en hy sal my nooit verlaat nie. Hierdie ondervinding het my gehelp om duidelik te sien wat ’n veilige skuilplek Jehovah is.

Ons weet dat Jehovah nooit sy lojale dienaars sal verlaat nie. Hy is getrou en help ons om enige moeilike tye te verduur. – 1 Korintiërs 10:13.

Tydlyn

10 Februarie 2022

Kriminele saak word gemaak
18 Maart 2022

Huis word deursoek en hy word ondervra
23 September 2022

Word onder reisbeperkings geplaas
22 Februarie 2023

Kriminele verhoor begin

Sien ook

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE