16 DESEMBER 2022 | BYGEWERK: 20 JUNIE 2023
RUSLAND

JONGSTE NUUS – BROER TRONK TOE GESTUUR | Vreugdevol ondanks probleme

SPEEL

Op 20 Junie 2023 het die Tsentralnji-distrikshof van Sotji broer Danil Soeworof skuldig bevind en hom tot ses jaar tronkstraf gevonnis. Danil is sedert 18 Augustus 2021 in aanhouding, en hy sal in die tronk bly.

Profiel

Danil Soeworof a

Gebore: 1995 (Almetjefsk, Republiek van Tatarstan)

Agtergrond: Werk as ’n verkoopsman in ’n hardewarewinkel

Deur sy ma grootgemaak as een van Jehovah se Getuies. Gedoop in 2011

Persoonlike kommentare van Danil se ma, suster Goelnara Soeworowa b

Wat help Danil om te volhard tydens sy aanhouding?

Al kan ek hom nie gaan besoek nie, kry ek wel sy briewe. Danil sê altyd vir my dat ek nie bekommerd moet wees oor hom nie, en hy kla nie. Hy verseker my eerder dat hy Jehovah se hand en ondersteuning voel. Ander hou daarvan om met Danil te praat, want hy is baie vriendelik, en almal weet dat hy ’n goeie luisteraar is. Hy verstaan hoe ander voel terwyl hulle deur moeilike tye gaan. So dit was aanmoedigend om te hoor dat hy sy tronksel sy persoonlike gebied gemaak het. Hy kan dikwels met ander praat omdat nuwe mense gereeld na sy sel oorgeplaas word. Hy lees ook die Bybel, berei voor vir vergaderinge en hou aan om geestelike aktiwiteite eerste te stel.

Wat het jy deur hierdie moeilike ondervinding oor Jehovah geleer?

Hoewel Jehovah soveel goddeloosheid op die aarde sien, verloor hy nie sy vreugde nie. In 2 Kronieke 16:9 sê dit: “Want die oë van Jehovah deursoek die hele aarde om dié te ondersteun wat met hulle hele hart op hom vertrou.” So Jehovah soek die heeltyd na maniere om sy dienaars te help. Ek weet dat as ek besig bly met geestelike dinge en daarop fokus om ander in die gemeente en die bediening te help, dit my sal help om nie mismoedig te raak nie.

Dit moedig ons aan om te weet dat wanneer ons soveel doen as wat ons kan om Jehovah te dien en om na aan hom te bly, ons ons vreugde kan behou maak nie saak watter probleme ons het nie. – Psalm 16:11.

Tydlyn

13 Augustus 2021

Kriminele saak gemaak gebaseer op die getuienis van ’n persoon wat met die owerhede saamwerk en wat voorgegee het om in die Bybel belang te stel
18 Augustus 2021

Huis word deursoek. Word gearresteer en in tydelike aanhouding geplaas
19 Augustus 2021

Word oorgeplaas na aanhouding voor sy verhoor
29 April 2022

Word amptelik aangekla van die organisering en deelname aan die bedrywighede van ’n ekstremistiese organisasie. Word ook daarvan aangekla dat hy ander kry om deel te neem
10 Junie 2022

Kriminele verhoor begin

a b Gedurende die voorbereiding van hierdie artikel was broer Soeworof in aanhouding voor sy verhoor en was dit nie moontlik om sy persoonlike kommentare te kry nie.

Jy sal dalk ook hiervan hou

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE