3 FEBRUARIE 2022 | BYGEWERK: 20 JULIE 2023
RUSLAND
JONGSTE NUUS – BROER VRYGELAAT | Daaglikse Bybellees en bepeinsing help broer Aleksei Oechof om op Jehovah te vertrou
Op 18 Julie 2023 het die hof van die Chabarowsk-gebied broer Aleksei Oechof se tronkstraf van ses en ’n half jaar verander. Hy sal nou ’n opgeskorte tronkvonnis van ses en ’n half jaar uitdien. Hy is kort ná die uitspraak uit die tronk vrygelaat.
Op 24 Maart 2023 het die stadshof in Sowetsko-Gawanski van die Chabarowsk-gebied Aleksei skuldig bevind en hom tot ses en ’n half jaar tronkstraf gevonnis. Hy is dadelik in die hof in hegtenis geneem.
Tydlyn
22 Oktober 2020
Offisiere van die FSB het die huis van broer Oechof deursoek. Elektroniese toestelle, USB-stokkies, SIM-kaarte, bankkaarte, persoonlike dokumente en gedrukte publikasies is weggeneem. Speurders het hom in ’n tydelike detensiesentrum gesit
23 Oktober 2020
Die hof het beveel dat hy in ’n detensiesentrum bly tot sy verhoor
9 Julie 2021
Vrygelaat en beveel om nie die gebied Komsomolsk aan die Amoer te verlaat nie, waar hy aangehou is
6 September 2021
Die kriminele verhoor het begin
Profiel
Ons weet dat Jehovah sal aanhou om Aleksei te beloon omdat hy “die saak oorgelaat [het] aan die Een wat regverdig oordeel”. – 1 Petrus 2:23.
Jy sal dalk ook hiervan hou
NUUSBERIGTE
In die tronk weens hulle geloof – Rusland
Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.