23 AUGUSTUS 2023 | BYGEWERK: 25 JUNIE 2024
RUSLAND

JONGSTE NUUS – BROER WORD BOETE GEGEE | “Ek word net sterker”

SPEEL

Op 24 Junie 2024 het die Lesosibirsk-stadshof van die Krasnojarsk-gebied broer Waleri Stjitz skuldig bevind. Hy is ’n boete van 600 000 roebel (meer as R124 000) gegee.

Profiel

Waleri Stjitz

Gebore: 1966 (Bolsjaja Moerta, Krasnojarsk-gebied)

Agtergrond: Het in konstruksie gewerk

Trou met Irina in 1987. Hulle het twee seuns

Hy en sy vrou het die Bybel saam met Jehovah se Getuies begin studeer. Was beïndruk met hoe Bybelprofesieë vervul is en die positiewe uitwerking wat dit op ’n mens se lewe het wanneer Bybelbeginsels toegepas word. Albei is gedoop in 2008

Persoonlike kommentare

Wat het jy geleer deur hulp en ondersteuning van jou broers en susters te kry?

Toe die broers en susters gehoor het wat met ons gebeur het, het hulle aangebied om ons te help en vir ons gewys dat hulle vir ons lief is. Hulle was vrygewig en bereid om hulle tyd en energie te gebruik om ons te help. Ek moet erken dat dit aan die begin nie vir my maklik was om hulp van ander te aanvaar nie. Dit maak mens gelukkiger om te gee as om te ontvang, en dit is wat ek in my lewe gedoen het. Maar ek moes leer om my denkwyse aan te pas en bereid wees om hulp te aanvaar. Deur dit te doen, het dit vir my vreugde verskaf om te sien hoe ander Jehovah en Jesus se voorbeeld navolg om liefde te bewys.

Wat motiveer jou om nooit op te gee nie?

Elke Christen se geloof sal getoets word. Miskien nie deur tronkstraf nie, maar deur siekte, ongeregtigheid of die dood van ’n geliefde. Jakobus 1:3 herinner my dat ‘my geloof tot volharding lei wanneer dit getoets is’. Daarom bid ek gereeld tot Jehovah en vertel ek hom hoe ek voel. En hoe meer ek bid, hoe sterker word my vriendskap met hom. En om te weet dat ons wêreldwye broederskap vir my bid, moedig my aan en versterk my. Hierdie vervolging kan my fisies swak maak en beperk wat ek kan doen, maar dit sal my nie keer om getrou aan Jehovah te wees nie. Ek word net sterker.

Dit vertroos ons om te weet dat Jehovah en ons broers en susters altyd daar is om ons te ondersteun, maak nie saak watter moeilike tye ons deurmaak nie. – 1 Petrus 5:9, 10.

Tydlyn

19 November 2021

Kriminele saak word gemaak
25 November 2021

Huis word deursoek en word geneem vir ondervraging
26 November 2021

Word verbied om aan sekere bedrywighede deel te neem
18 Mei 2022

Word onder reisbeperkings geplaas
10 April 2023

Kriminele verhoor begin

Jy sal dalk ook hiervan hou

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE