14 DESEMBER 2023 | BYGEWERK: 30 JANUARIE 2024
RUSLAND

JONGSTE NUUS – BROERS IN DIE TRONK | “Om op Jehovah te vertrou is die sleutel”

SPEEL

Op 25 Januarie 2024 het die Samarski-distrikshof van Samara broer Aram Danielyan, Denis Koezjanin, Sergei Polosenko en Nikolai Wasilijef skuldig bevind. Hulle het elkeen ’n tronkstraf van sewe jaar gekry. Hulle is dadelik in die hof in hegtenis geneem.

Profiel

Aram Danielyan

Gebore: 1990 (Armenië)

Agtergrond: Sy gesin het na Rusland getrek toe hy ses maande oud was

Het in konstruksie en aankope gewerk

Het by sy tannie en sy ma oor die Bybel geleer. Sy liefde vir Jehovah het sterker geword toe hy sien hoe sy gebede beantwoord word. Gedoop as een van Jehovah se Getuies in 2011

Trou met Elina in 2017. Hulle het een seun

Persoonlike kommentare

Wat help jou om nie te mismoedig te word nie?

Daar is tye wanneer ek hartseer voel oor my omstandighede. Maar wanneer dit gebeur, help dit my om te onthou dat ek gekies het om een van Jehovah se knegte te wees. As ek ophou om Jehovah te dien net omdat ek nie vervolg wil word nie, sal ek al my vreugde verloor. Dit maak my bly om te dink dat ek help om Jehovah se naam te heilig en dit bekend te maak. Ek is vasbeslote om aan Satan te bewys dat ek nie sal ophou om Jehovah te dien selfs al staar ek die dood in die gesig nie, wat nog te sê vervolging.

Sergei Polosenko

Gebore: 1968 (Oesbekistan)

Agtergrond: Het as ’n bestuurder by ’n skoonheidsalon gewerk

Trou met Lidia in 1993

Het grootgeword in ’n gesin wat Jehovah se Getuies is en is in 1982 gedoop

Persoonlike kommentare

Hoe het dit jou verhouding met Jehovah geraak om voor jou verhoor in aanhouding te wees?

Terwyl ek voor my verhoor in die detensiesentrum was, kon ek niks doen om my omstandighede te verander nie. Dit was net ek en Jehovah. Ek het ervaar hoe Jehovah ’n beskermer, ’n helper en veral ’n vriend is. Ek het geweet dat hy die hele tyd by my was. So ’n vriendskap bring ’n wonderlike gevoel van veiligheid en stabiliteit. Soos my omstandighede aanhou om te verander, hou Jehovah aan om nuwe aspekte van sy persoonlikheid aan my bekend te maak. Ek is baie dankbaar teenoor hom hiervoor.

Nikolai Wasilijef

Gebore: 1984 (Aisja, Republiek van Tatarstan)

Agtergrond: Het as ’n programmeerder gewerk

Het nie in God geglo nie. Nadat hy die Bybel studeer het, het hy gesien dat die Bybel se leringe sin maak en het hy oortuig geword dat God bestaan. Gedoop in 2005

Persoonlike kommentare

Wat help jou om aan te hou om op Jehovah te vertrou?

Interessant genoeg, voordat ek voor my verhoor in aanhouding geplaas is, was ek baie bang om tronk toe te gaan. Maar nou dat ek weet hoe dit is om in aanhouding te wees en hoe Jehovah my gehelp het, is ek nie meer bang nie. Alhoewel dit nog steeds moeilik is om nie te weet hoe lank die kriminele verhoor gaan aanhou en wat die uitspraak gaan wees nie, weet ek dat Jehovah altyd by my sal wees. Om op Jehovah te vertrou is die sleutel tot innerlike vrede en om die vertroue te hê dat dinge reg sal uitwerk.

Ons is oortuig dat Jehovah sal aanhou om almal te vertroos wat swaarkry as gevolg van hulle geloof terwyl hy hulle “standvastig maak in elke goeie ding wat [hulle] sê en doen”. – 2 Tessalonisense 2:16, 17.

Tydlyn

14 Desember 2021

Kriminele saak word gemaak teen Denis, Nikolai en Sergei
15 Desember 2021

Denis, Nikolai en Sergei se huise word deursoek. Hulle word in hegtenis geneem en na ’n tydelike detensiesentrum gestuur
16 Desember 2021

Denis, Nikolai en Sergei word voor hulle verhoor na ’n detensiesentrum oorgeplaas
6 Januarie 2022

Kriminele saak word teen Aram gemaak. Hy word by die lughawe in hegtenis geneem
7 Januarie 2022

Aram word voor sy verhoor in ’n detensiesentrum geplaas
12-14 Desember 2022

Al vier broers word voor hulle verhoor uit die detensiesentrum vrygelaat en onder reisbeperkings geplaas
16 Junie 2023

Kriminele verhoor begin

Jy sal dalk ook hiervan hou

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE