23 APRIL 2024 | BYGEWERK: 25 OKTOBER 2024
RUSLAND

JONGSTE NUUS – BROERS SKULDIG BEVIND | Dankbaar om Jehovah te kan dien

SPEEL

Op 25 Oktober 2024 het die Perwomaiski-distrikshof van Izjewsk in die Republiek van Oedmoertië broer Jefgeni Stefanidin en Aleksandr Wotjakof skuldig bevind. Broer Jefgeni Stefanidin is ’n opgeskorte tronkvonnis van ses jaar gegee, en broer Aleksandr Wotjakof ’n opgeskorte tronkvonnis van ses jaar en ses maande. Hulle hoef nie op hierdie stadium tronk toe te gaan nie.

Profiel

Jefgeni Stefanidin

Gebore: 1989 (Izjewsk)

Agtergrond: Werk as ’n eiendomsagent

Jefgeni het as een van Jehovah se Getuies grootgeword. Toe hy tien jaar oud was, het sy ouma gesterf. Die opstandingshoop het hom selfs nader aan Jehovah laat kom. Gedoop in 2006

Trou met Marina in 2011. Hulle het ’n dogter

Jefgeni is 2022 met kanker gediagnoseer

Persoonlike kommentare

Wat het jou gehelp om positief te bly terwyl jy vervolg word?

Wanneer ek tyd maak om aan al die goeie dinge te dink wat ek elke dag ervaar, voel ek gelukkiger. Ek herinner ook myself dat alhoewel Jehovah toelaat dat ek vervolg word, hy dit nie veroorsaak nie. Hy sal binnekort al die ongeregtighede wat aan sy getroue knegte gedoen is, wegneem. Dit is ook belangrik om na aan Jehovah en my broers en susters te bly. ’n Suster het eenkeer vir my gesê: “Jou glimlag is baie aanmoedigend. Om te sien hoe positief jy onder hierdie omstandighede bly, help my om selfvertroue te hê en om nie bang te wees nie.” Ek is so dankbaar om deel van Jehovah se familie te wees.

Aleksandr Wotjakof

Gebore: 1973 (Izjewsk)

Agtergrond: Werk in konstruksie

Trou met Lilija in 1995

Hy was beïndruk met die positiewe veranderinge wat sy vrou gemaak het nadat sy een van Jehovah se Getuies geword het. Aleksandr is in 2006 gedoop

Persoonlike kommentare

Watter belangrike les het jy uit hierdie ondervinding geleer?

Ek het geleer hoe belangrik dit is om op Jehovah te vertrou en nooit te twyfel dat hy my sal ondersteun nie. Ek was amper ses maande lank onder huisarres, en ek kon nie gaan werk nie. Op dieselfde tyd het my vrou baie siek geword. Maar ons kon duidelik sien hoe Jehovah ons gehelp het. Ons broers en susters het vir ons gesorg en in ons behoeftes voorsien. Ons familielede wat nie Getuies is nie, was verbaas oor hoe goed daar vir ons gesorg is. Nadat ek gesien het hoe Jehovah my gehelp het, is ek selfs meer dankbaar om sy kneg te wees.

Net soos Aleksandr en Jefgeni, is dit vir ons ’n groot voorreg om ons hele lewe lank “sonder vrees heilige diens . . . te verrig” aan Jehovah. – Lukas 1:74, 75.

Tydlyn

14 April 2021

Polisiemanne deursoek Jefgeni se huis
13 Desember 2022

Kriminele saak word teen Aleksandr en Jefgeni gemaak
14 Desember 2022

Beamptes deursoek albei huise. Aleksandr word na ’n tydelike detensiesentrum gestuur. Jefgeni word onder reisbeperkings geplaas
15 Desember 2022

Aleksandr word uit tydelike aanhouding vrygelaat en onder huisarres geplaas
9 Junie 2023

Aleksandr word uit huisarres vrygelaat en onder reisbeperkings geplaas
17 Augustus 2023

Kriminele verhoor begin

Jy sal dalk ook hiervan hou

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE