8 JULIE 2022 | BYGEWERK: 13 MEI 2024
RUSLAND

JONGSTE NUUS – BROERS TRONK TOE GESTUUR | Hulle word deur gebed versterk

SPEEL

Op 13 Mei 2024 het die Perwomaiski-distrikshof van Izjewsk broer Sergei Asjichmin, Maksim Derendjaef en Aleksandr Koetin skuldig bevind. Hulle het elkeen ’n tronkvonnis van drie jaar gekry. Hulle is onmiddellik in die hof in hegtenis geneem.

Tydlyn

14 April 2021

Ten minste 12 huise van Jehovah se Getuies word deur FSB-agente deursoek. Sergei word sewe ure lank ondervra. Maksim en Aleksandr word aangehou en in die tronk gesit
15 April 2021

Maksim en Aleksandr word na ’n detensiesentrum voor hulle verhoor gestuur
29 April 2021

Aleksandr word uit aanhouding voor sy verhoor vrygelaat
14 Mei 2021

Aleksandr word onder huisarres geplaas
9 Julie 2021

Maksim word uit aanhouding voor sy verhoor vrygelaat en onder huisarres geplaas
14 Maart 2022

Kriminele verhoor begin

Profiel

Sergei Asjichmin

Gebore: 1973 (Zjesjart, Republiek van Komi)

Agtergrond: Het as ’n sekuriteitswag en later as ’n verkoopsman gewerk. Het onlangs ’n hartoperasie gehad en kan nie meer werk nie

Toe hy geleer het dat Jesus ’n losprys voorsien het, het dit sy hart diep geraak. Word in 2001 as een van Jehovah se Getuies gedoop. Trou met Anastasija in 2007

Persoonlike kommentare

In watter situasies het gebed jou gehelp?

Toe ons huis deursoek is, het alles baie vinnig gebeur. Daar was nie tyd vir ’n lang gebed nie, en daarom het ek, net soos Nehemia in Bybeltye, stilletjies ’n kort gebed gesê en vir wysheid en moed gevra.

Gedurende die ondersoek is ek ook baie strikvrae gevra. Ek het Jehovah gevra om my te help om te weet wanneer ek moet stilbly en om my te help om te praat wanneer dit nodig is.

Maksim Derendjaef

Gebore: 1985 (Izjewsk, Republiek van Oedmoertija)

Agtergrond: Werk as ’n elektrisiën

Die liefde wat deur Jehovah se Getuies getoon is, het hom beweeg om die Bybel saam met hulle te studeer. Gedoop in 2000. Trou met Tatjana in 2015

Persoonlike kommentare

Watter spesifieke uitdaging het jy in aanhouding voor jou verhoor gehad, en hoe het jy dit oorkom?

Jy kan nie kies saam met wie jy in die tronk gaan wees nie. Partykeer het die ander gevangenes lelike grappies oor my gemaak en was dit moeilik om dit net te ignoreer.

Ek het besef dat ek te veel omgegee het oor wat hulle van my sê. Daarom het ek tot Jehovah gebid en vir hom gesê dat dit vir my moeilik is en hom gevra om my te help om reg op te tree. Gedurende hierdie moeilike tyd het ek gesien hoe bedagsaam Jehovah is en dat hy vir my omgee.

Aleksandr Koetin

Gebore: 1982 (Izjewsk )

Agtergrond: Werk as ’n sweiser

Nadat hy oor Jesus geleer het, was hy beweeg om sy voorbeeld te volg. Gedoop in 2002. Trou met Goezel in 2018

Persoonlike kommentare

Hoe het jy jou vreugde behou terwyl jy in aanhouding voor jou verhoor was?

In die detensiesentrum was alles waarvoor ek lief is, van my af weggevat: my geliefdes, die vergaderinge, die Bybel en selfs my roetine. By die huis sou ek in die oggend wakker word, tee of koffie maak, en dan het ek en my vrou saam ’n Bybelteks gelees en daaroor gesels. Ek het nooit gedink dat iemand dit van my kan wegvat nie. Maar ek het besef dat gebed die een ding is wat hulle nie van my kan wegvat nie. Wanneer ek gebid het, kon ek voel dat Jehovah vir my sy heilige gees gee sodat ek my vreugde kon behou en nie mismoedig word nie.

Ek het ook ’n hele paar geleenthede gehad om ’n getuienis te gee. . . . Terwyl ek in ’n sel met sewe ander mans was, het almal my gevra hoekom ek aangehou word. Ek het gaan sit en vir hulle verduidelik hoekom. Op daardie oomblik het Jehovah my gehelp om kalm te voel. Ek het stilletjies gebid en vir Jehovah dankie gesê.

Ons broers verduur ongeregtigheid en vertrou op Jehovah, wat belowe: “Moenie bang wees nie, want ek is met jou.” – Jesaja 43:5.

Jy sal dalk ook hiervan hou

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE