24 AUGUSTUS 2022 | BYGEWERK: 16 AUGUSTUS 2023
RUSLAND

JONGSTE NUUS – BROERS VRYGELAAT | Om op ander te fokus help broers om aanhouding te verduur

SPEEL

Op 15 Augustus 2023 het die Taiga-stadshof van die Kemerowo-streek broer Maksim Morozof en Joeri Oesanof skuldig bevind en elkeen tot drie jaar tronkstraf gevonnis. Maar as gevolg van die tyd wat hulle in aanhouding voor hulle verhoor was, word hulle vonnis beskou as reeds uitgedien. Hulle was onmiddellik uit die tronk vrygelaat.

Tydlyn

1 April 2021

Kriminele saak word teen Joeri gemaak vir die organisering van godsdiensvergaderinge van ’n organisasie wat verbied is
2 April 2021

Owerhede deursoek Joeri se huis drie ure lank. Hy word gearresteer en in aanhouding voor sy verhoor geplaas
4 Augustus 2021

Kriminele saak word teen Maksim gemaak
6 Augustus 2021

Maksim word gearresteer en oornag aangehou
7 Augustus 2021

Maksim word krimineel aangekla en in aanhouding voor sy verhoor geplaas
16 Mei 2022

Kriminele verhoor begin

Profiel

Maksim Morozof

Gebore: 1983 (Wolgograd, Wolgograd-streek)

Agtergrond: Het as ’n valskermsoldaat in die weermag gedien. Het later ’n trokbestuurder geword

Het die Bybel saam met Jehovah se Getuies begin studeer nadat hy die weermag verlaat het. Gedoop in 2009

Persoonlike kommentare

Wat help jou om jou vreugde te behou terwyl jy in aanhouding is?

Ek het ’n Bybel wat ek elke dag lees. Ek geniet dit om die apostel Paulus se briewe te lees en veral die dele waar hy beskryf hoe dit was om in die tronk te wees en toe hy in kettings en in die blok gesit is. Hy het nie op sy omstandighede gefokus nie, maar eerder op die werk wat Jehovah hom gegee het om te doen.

Om te weet dat ek nie alleen is nie, help my ook om positief te bly. Ek het Jehovah, Jesus, baie engele en natuurlik ons broers en susters. In ’n video oor Caleb en Sophia het ons gesien hoe die engele gereageer het toe die kinders goeie besluite by die skool gemaak het. Dit herinner my dat dit belangrik is om elke probleem as ’n geleentheid te sien om my getrouheid aan God te toon. En dit help my om minder op myself en my probleme te fokus en om die groter prentjie in gedagte te hou.

Joeri Oesanof

Gebore: 1991 (Gorno-Tsjoeiski, Irkoetsk-streek)

Agtergrond: Het as ’n elektrisiën en sweiser gewerk. Het op ’n vroeë ouderdom saam met sy ma oor Jehovah geleer. Gedoop in 2007

Trou met Irina in 2021

Persoonlike kommentare van Joeri se vrou, Irina a

Hoe moedig Joeri jou aan ten spyte van sy aanhouding?

Tot nou toe was ons nog nie toegelaat om mekaar in persoon te sien of selfs oor die telefoon te praat nie. Om briewe te skryf is die enigste manier hoe ons kan kommunikeer, en selfs dan is daar dikwels vertragings. Al is dit nie dieselfde as om in persoon te praat nie, is ons dankbaar vir die geleentheid om in kontak te bly.

Ek mis dit om direk met hom te kan kommunikeer en om die Bybel saam te lees soos ons gewoonlik gedoen het. Maar in amper elkeen van sy briewe deel Joeri Bybelverse wat hom persoonlik aangemoedig het. Partykeer sal hy ook geestelike skatte insluit wat hy geniet het in die briewe wat hy ontvang het. Deur middel van ons briewe geniet ons nog steeds ’n vorm van gesinsaanbidding. Hy vergeet ook nooit om my te herinner aan Jehovah se liefde en die seëninge wat Hy vir ons in gedagte het nie. En Joeri verseker my van sy liefde en vertel my hoeveel hy my pogings waardeer. Dit lyk soos iets kleins, maar dit is ’n groot bron van aanmoediging vir my.

Ons weet dat Jehovah die onselfsugtige gesindheid wat hierdie broers en susters toon, baie waardeer. Ons is vol vertroue dat Jehovah sal aanhou om hulle nou en selfs meer in die toekoms te seën. – Hebreërs 11:26.

a Gedurende die voorbereiding van hierdie artikel was broer Oesanof in aanhouding voor sy verhoor. Dit was nie moontlik om persoonlike kommentare by hom te kry nie.

Jy sal dalk ook hiervan hou

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE