1 APRIL 2024 | BYGEWERK: 30 JULIE 2024
RUSLAND

JONGSTE NUUS – DRIE SKULDIG BEVIND | ‘Om op te gee is nie ’n opsie nie’

SPEEL

Op 30 Julie 2024 het die Nikolaefsk aan die Amoer-stadshof van die Chabarowsk-gebied broer Igor Kletkin, Nikolai Kononenko en suster Nadezjda Korobotjko skuldig bevind. Igor en Nikolai het albei ’n opgeskorte tronkvonnis van ses jaar gekry. Nadezjda het ’n opgeskorte tronkvonnis van vyf jaar gekry. Hulle hoef nie op hierdie stadium tronk toe te gaan nie.

Profiel

Igor Kletkin

Gebore: 1961 (Nikolaefsk aan die Amoer)

Agtergrond: Het as ’n chauffeur gewerk

Nadat sy ma in ’n ongeluk verlam is, het Igor gewonder hoekom sulke dinge gebeur. Was dankbaar om duidelike antwoorde in die Bybel te kry. Gedoop as een van Jehovah se Getuies in 1999

Persoonlike kommentare

Wat help jou om gedurende hierdie moeilike tyd ’n positiewe gesindheid te behou?

Alhoewel die vervolging nie maklik is nie, het dit nie veroorsaak dat ek my geloof in Jehovah verloor het nie. Ek sien dit alles eerder as deel van my diens aan Jehovah. Ek hou Jesus se woorde in Johannes 15:20 in gedagte: “As hulle my vervolg het, sal hulle julle ook vervolg.” Om op te gee is nie vir my ’n opsie nie. Want dit sou beteken dat ek Jehovah, Jesus en my broers en susters verraai. Ek is vasbeslote om ’n goeie voorbeeld vir ander te stel.

Nadezjda Korobotjko

Gebore: 1943 (Sjachti, Rostof-streek)

Agtergrond: Het as ’n rekenmeester gewerk. Het vier kinders grootgemaak

Het die Bybel gelees, maar het dit moeilik gevind om dit op haar eie te verstaan. Het begin om die Bybel saam met Jehovah se Getuies te studeer. Was bly om God en sy eienskappe te leer ken. Gedoop in 1996

Persoonlike kommentare

Wat het jy oor Jehovah geleer as gevolg van hierdie moeilike ondervinding?

Hierdie ondervinding het my geleer dat Jehovah nie net sien wat gebeur nie, maar dat hy ook weet hoe dit my laat voel. Hy gee dan vir my presies die ondersteuning wat ek nodig het. Wanneer ek sukkel om te fokus en my gedagtes te beheer, gee Jehovah my vrede. En hy help my om Bybeltekste te onthou wat presies op daardie oomblik van toepassing is. Hoe groter die uitdaging, hoe meer voel ek Jehovah se gees en hoe sterker word my vertroue in hom.

Ons dank Jehovah vir die liefdevolle sorg en ondersteuning wat hy aan almal gee wat op hom vertrou en wat sê: “U is my God.” – Psalm 31:14.

Tydlyn

11 Oktober 2021

Igor en Nadezjda se huise word deursoek. Igor word in ’n tydelike detensiesentrum geplaas
12 Oktober 2021

Nadezjda word ondervra
13 Oktober 2021

Igor word uit die tydelike detensiesentrum vrygelaat
14 Oktober 2021

Igor en Nadezjda word onder reisbeperkings geplaas
27 September 2022

Nikolai word onder reisbeperkings geplaas
16 Januarie 2023

Kriminele verhoor begin

Sien ook

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE