25 MEI 2022
RUSLAND

JONGSTE NUUS | ‘Daar is nie ’n goeie rede om deur vrees oorweldig te word nie’

SPEEL

Op 25 Mei 2022 het die Metalloergitsjeski-distrikshof van Tsjeljabinsk broer Pawel Popof skuldig bevind en hom ’n opgeskorte tronkvonnis van ses jaar gegee. Hy hoef nie op hierdie stadium tronk toe te gaan nie.

Tydlyn

26 Maart 2019

’n Groep van tien gemaskerde manne met masjiengewere en ’n hamer deursoek Pawel se huis nadat hulle dit binnegedring het
22 April 2021

Kriminele saak word gemaak
18 Mei 2021

Die owerhede deursoek Pawel se huis vir ’n tweede keer. Pawel se vrou, Jelena, en hulle 13-jarige dogter word vir ondervraging ingeneem
31 Augustus 2021

Word by die lys van terroriste en ekstremiste gevoeg
29 November 2021

Kriminele verhoor begin

Profiel

Pawel Popof

Gebore: 1977 (Nowokoeznetsk, Kemerowo-streek)

Agtergrond: Begin op ’n jong ouderdom om te rook en om alkohol te drink as gevolg van ’n ongelukkige gesinslewe. Was 15 toe sy pa oorlede is. Het meestal as ’n sweiser gewerk

Het in die Bybel begin belangstel nadat hy geleer het oor die belofte van ewige lewe in die Paradys. Het in 1994 saam met Jehovah se Getuies begin studeer. Is beïndruk deur die harmonie van die Bybel en die akkurate vervulling van profesieë. Word in 1995 gedoop

Trou met Jelena in 2003. Hulle het een dogter

Persoonlike kommentare

Wat het jou gehelp om nie deur vrees oorweldig te word nie?

Jesus het gesê dat as ons voor die owerhede gebring word, ons die geleentheid moet gebruik om ’n getuienis te gee (Matteus 10:18). Dit is miskien nie die aangenaamste of gemaklikste situasie om ’n getuienis te gee nie, maar Jehovah en my broers en susters help my. Dit oortuig my dat daar nie ’n goeie rede is om deur vrees oorweldig te word nie. . . . Ek het gesien dat moeilike tye altyd deur seëninge gevolg word. As ek op God se naam en sy Koninkryk gefokus bly, kan ek enige gevoelens van vrees en ontmoediging oorkom.

Ons weet dat Jehovah sy aanbidders sal aanhou ondersteun en beloon terwyl hulle moedig getrou bly gedurende moeilike tye. – 2 Samuel 22:19-21.

Jy sal dalk ook hiervan hou

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE