19 MAART 2024 | BYGEWERK: 23 APRIL 2024
RUSLAND

JONGSTE NUUS – EGPAAR SKULDIG BEVIND | ‘Jehovah is die Een wat my vertroos’

SPEEL

Op 22 April 2024 het die Petropawlofsk-Kamtsjatski-stadshof van die Kamtsjatka-gebied broer Sergei Tsjetjoelin en sy vrou, suster Jelena Tsjetjoelina, skuldig bevind. Hulle het elkeen ’n opgeskorte tronkvonnis van twee jaar gekry. Hulle hoef nie op hierdie stadium tronk toe te gaan nie.

Profiel

Sergei Tsjetjoelin

Gebore: 1968 (Timlat, Kamtsjatka-gebied)

Agtergrond: Het in ’n weeshuis grootgeword. Werk as ’n herstelwerker vir ’n maatskappy wat verhitting doen

’n Vriend wat begin het om die Bybel te studeer, het hom na ’n vergadering van Jehovah se Getuies genooi. Sergei het logiese antwoorde op sy vrae gekry. Gedoop in 1995

Het met Jelena in 2000 getrou. Hulle het een seun

Persoonlike kommentare

Is daar ’n Bybelteks wat jou en jou vrou veral aangemoedig het?

Ons is onder reisbeperkings geplaas, ons kar is gekonfiskeer en ons bankrekeninge is gevries. Maar nou waardeer ons selfs meer die woorde in Psalm 55:22: “Gee jou las vir Jehovah, en hy sal jou ondersteun. Hy sal die regverdige nooit laat val nie.” Jehovah het belowe om ons te help om sterk te bly. Met sy hulp het hierdie omstandighede ons nie swakker laat word nie. Ons leer al hoe meer om op Jehovah en ons broederskap te vertrou. En ons is meer vasbeslote as ooit om aan te hou om hom na die beste van ons vermoë te dien.

Jelena Tsjetjoelina

Gebore: 1978 (Petropawlofsk-Kamtsjatski)

Agtergrond: Werk as ’n verpleegster

Jelena se ma het die Bybel saam met Jehovah se Getuies begin studeer. Dit het Jelena help verstaan dat sy oor God moes leer, en daarom het sy vir ’n Bybelstudie gevra. Gedoop in 2000

Het met Sergei in 2000 getrou

Persoonlike kommentare

Wat het jy oor Jehovah geleer terwyl jy deur hierdie situasie gaan?

Ek het agtergekom dat soos omstandighede in my lewe verander, ek die Bybel beter verstaan. Byvoorbeeld, terwyl ek deur hierdie vervolging gaan, het ek groter waardering vir wat Paulus in Romeine 8:38, 39 geskryf het: “Want ek is daarvan oortuig dat nie die dood of die lewe of engele of regerings of dinge wat nou gebeur of dinge wat nog gaan gebeur of magte of hoogte of diepte of enige ander skepping ons sal kan skei van God se liefde wat in Christus Jesus, ons Here, is nie.” As Jehovah my wil wys dat hy vir my lief is, sal niks hom kan keer nie. En hy doen dit op so ’n manier wat my verseker dat hy die Een is wat my vertroos. Jehovah bly nie stil nie of steek nie sy liefde vir sy knegte weg nie. Ek weet dat hierdie ondervindinge my gaan help om enige moeilike tye te verduur wat ek in die toekoms kan ondervind.

Soos Sergei en Jelena, is die perfekte geskenk van God se Woord ook vir ons kosbaar. Dit versterk ons en gee ons die wysheid wat ons nodig het om getrou gedurende moeilike tye te bly. – Psalm 19:7.

Tydlyn

25 September 2022

Kriminele saak word gemaak
17 Oktober 2022

Huis word deursoek
6 September 2023

Sergei word onder reisbeperkings geplaas
7 September 2023

Jelena word onder reisbeperkings geplaas
26 Desember 2023

Kriminele verhoor begin

Sien ook

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE