20 JUNIE 2023 | BYGEWERK: 23 AUGUSTUS 2023
RUSLAND

JONGSTE NUUS – SUSTER SKULDIG BEVIND | ‘Ek kan getrou en lojaal bly’

SPEEL

Op 22 Augustus 2023 het die Oktjabrski-distrikshof van Nowosibirsk suster Tatjana Oleinik skuldig bevind en haar ’n opgeskorte vonnis van vier jaar gegee. Sy hoef nie op hierdie stadium tronk toe te gaan nie.

Profiel

Tatjana Oleinik

Gebore: 1952 (Chroesjtsjewo, Toela-streek)

Agtergrond: Tatjana se ma sterf toe sy vyf jaar oud is. Het as ’n hyskraandrywer gewerk. Het ’n seun en ’n dogter grootgemaak

Is in 2001 as een van Jehovah se Getuies gedoop

Persoonlike kommentare

Watter Christelike eienskap het jou gedurende hierdie moeilike tyd gehelp?

Hierdie moeilike situasie waarin ek is, het my geleer hoe belangrik dit is om nederig te wees. Ek het besef dat ek in die verlede die gewoonte gehad het om party dinge op my eie manier te doen. Maar ek het gesien hoe dit my help om gehoorsaam te wees aan die riglyne wat aan ons gegee is, en dit motiveer my om aan te hou om daardie riglyne te volg.

Hoe het die moedige voorbeelde van ander wat vervolging verduur, jou gehelp?

Wanneer ek hierdie ondervindinge lees of daarvan hoor, weet ek dat ek nie alleen is nie. As my broers en susters kan volhard, dan kan ek ook getrou en lojaal aan Jehovah bly. Ek ken broer Aleksandr Seredkin en sy vrou persoonlik. Hy dien op die oomblik ’n tronkvonnis van ses jaar uit. Hulle voorbeeld het my veral aangemoedig en het my die baie maniere gewys waarop Jehovah ons kan help. Die woorde in Hebreërs 13:5, 6 is waar: “Want hy het gesê: ‘Ek sal jou nooit verlaat nie en jou nooit in die steek laat nie.’ Daarom kan ons goeie moed hou en sê: ‘Jehovah is my helper. Ek sal nie bang wees nie.’”

Ons is oortuig dat Jehovah sal aanhou om Tatjana en almal te seën wat ‘bereid is om gehoorsaam te wees’ in alle dinge. – Jakobus 3:17.

Tydlyn

19 April 2019

Huis word deursoek
18 November 2021

Kriminele saak word gemaak
26 Januarie 2023

Kriminele verhoor begin

Sien ook

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE