26 JULIE 2023 | BYGEWERK: 20 DESEMBER 2023
RUSLAND

JONGSTE NUUS – SUSTER SKULDIG BEVIND | ‘Jehovah is altyd na aan my’

SPEEL

Op 19 Desember 2023 het die Dimitrofski-distrikshof van Kostroma suster Walentina Samoes skuldig bevind en haar ’n opgeskorte vonnis van ses jaar gegee. Sy hoef nie op hierdie stadium tronk toe te gaan nie.

Profiel

Walentina Samoes

Gebore: 1949 (Kostroma, Kostroma-streek)

Agtergrond: Het as ’n verpleegster gewerk. Is nou afgetree

Trou met Iwan in 1970. Hulle het ’n seun en ’n dogter grootgemaak

Het gebid dat God haar moet help om hom te leer ken. Het Jehovah se Getuies kort daarna ontmoet en het die Bybel begin studeer. Gedoop in 2007

Persoonlike kommentare

Hoe het jou verhouding met Jehovah sterker geword gedurende hierdie moeilike tyd?

Ek het al hoe meer bewus geword van hoe stabiel en onveranderlik Jehovah is. Jehovah is my Vader, en hy is altyd na aan my. Ek het baie kere tot hom gebid, en daarna het my vrese en angs verdwyn. Ek kan met Jehovah oor enige iets praat, en ek weet dat hy sal luister. En ek glo dat wat hy ook al toelaat om met my te gebeur, sal tot my voordeel wees. Daarom wil ek lojaal aan hom wees, maak nie saak wat gebeur nie. Jehovah se knegte hou aan om hom met vreugde te dien ten spyte van vervolging. Dit wys dat Jehovah ons die krag gee om lojaal aan hom te bly. Ek vra Jehovah gereeld om my te help om my geloof te behou en dat my liefde vir hom nie sal verflou nie, maar dat dit sterker en sterker sal word.

Dit is vertroostend om te weet dat ons altyd op Jehovah kan vertrou in moeilike tye. Ons het die vertroue dat daar “geen rots soos ons God [is] nie”. – 1 Samuel 2:2.

Tydlyn

17 Februarie 2022

Kriminele saak word gemaak
15 Maart 2022

Huis word deursoek
15 Desember 2022

Word krimineel aangekla en onder reisbeperkings geplaas
24 Maart 2023

Kriminele verhoor begin

Sien ook

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE