4 JANUARIE 2023 | BYGEWERK: 17 NOVEMBER 2023
RUSLAND

JONGSTE NUUS – SUSTER SKULDIG BEVIND | Vasbeslote om ander te help ten spyte van vervolging

SPEEL

Op 15 November 2023 het die Koeznetski-distrikshof van Nowokoeznetsk suster Tatjana Soesjilnikowa skuldig bevind en haar ’n opgeskorte tronkvonnis van vier jaar gegee. Sy hoef nie op hierdie stadium tronk toe te gaan nie.

Profiel

Tatjana Soesjilnikowa

Gebore: 1959 (Korkino, Tsjeljabinsk-streek)

Agtergrond: Het as ’n veiligheidsingenieur en toesighouer in ’n fabriek gewerk. Het in 1979 met Sergei getrou. Hulle het twee dogters grootgemaak

Is deur ’n familielid aan Jehovah se Getuies voorgestel. Het saam met haar man die Bybel begin studeer. Die liefde onder die Getuies het hulle beïndruk. Is albei in 1996 gedoop

Persoonlike kommentare

Hoe is jy deur die voorbeelde van ander aangemoedig?

Dit het my gehelp om die artikels van ons broers en susters te lees wat gearresteer is en voor die hof moes verskyn. Hierdie verslae het my gehelp om te weet wat om te verwag. Daarom het ek nie paniekerig of bang gevoel toe dit my beurt was nie. Die voorbeeld wat deur diegene gestel is wat tronk toe is, is ook wonderlik. Al sukkel hulle met hulle eie ontmoedigende omstandighede, skryf hulle briewe om hulle broers en susters aan die buitekant aan te moedig.

My man, Sergei, het ook ’n positiewe uitwerking op my gehad. Toe hy voor die hof moes verskyn, het hy nie sy vertroue in Jehovah of sy vasbeslotenheid om getrou aan hom te bly, verloor nie. En hy het nie toegelaat dat hy ontmoedig word deur vrese vir wat kan gebeur nie. Hy het eerste aan sy broers gedink en maniere gevind om hulle aan te moedig en te versterk. Ek is vasbeslote om diegene om my te help op enige manier wat ek kan. Om op hierdie manier besig te bly, help my om ’n produktiewe lewe te hê en nie te veel op my eie probleme te fokus nie.

Soos Tatjana, word ons versterk deur die voorbeeld van die “groot wolk van getuies” wat vervolging met Jehovah se hulp deurmaak. – Hebreërs 12:1.

Tydlyn

8 Junie 2021

Gewapende FSB-agente deursoek drie huise van Jehovah se Getuies in Nowokoeznetsk. Tatjana en haar man, Sergei, is drie ure lank ondervra
20 Junie 2022

Kriminele saak is gemaak. Is daarvan beskuldig dat hulle oor godsdiens praat en deelneem aan vergaderinge
22 Julie 2022

Amptelik aangekla
27 September 2022

Kriminele verhoor het begin. Regter het die saak na die aanklaer terugverwys omdat die owerhede nie die saak reg hanteer het nie
16 November 2022

Kriminele verhoor het weer begin

Sien ook

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE