21 FEBRUARIE 2024 | BYGEWERK: 25 MAART 2024
RUSLAND

JONGSTE NUUS – SUSTER SKULDIG BEVIND | Versterk deur baie broers en susters

SPEEL

Op 22 Maart 2024 het die Sentrale distrikshof van Toljatti suster Jelena Joerenkowa skuldig bevind en haar ’n opgeskorte vonnis van twee jaar gegee. Sy hoef nie op hierdie stadium tronk toe te gaan nie.

Profiel

Jelena Joerenkowa

Gebore: 1970 (Toljatti, Samara-streek)

Agtergrond: Sy het vrae gehad oor die betekenis van die lewe, maar sy kon nie antwoorde in boeke oor filosofie of ander boeke kry nie. Het oortuig geword dat die waarheid in die Bybel is nadat sy saam met Jehovah se Getuies gestudeer het. Gedoop in 1999

Trou met Joeri in 2000. Hulle het twee dogters

Persoonlike kommentare

Wat beteken die ondersteuning van jou broers en susters vir jou?

Toe ek die prokureur wat die regering vir my aangestel het, die eerste keer ontmoet het, kon sy nie verstaan hoekom ek nie tevrede is om net die Bybel te lees en om op my eie te bid nie. Sy het gewonder hoekom ek saam met my broers en susters wil aanbid, veral omdat dit sou beteken dat ek vervolg sou word. Ek het haar gevra of sy daarvan hou om in die woud te loop. Sy het gesê dat sy in ’n woud bly en dat sy lief is vir die rustige omgewing. Ek het vir haar gesê dat om tussen my broers en susters te wees, is soos om in die middel van ’n groot, pragtige woud te wees. Ons is nie soos bome wat afgesonder is nie, alleen en sonder beskerming nie. Soos die bome in ’n woud, ondersteun en versterk ons mekaar.

Ons is dankbaar teenoor Jehovah vir die liefdevolle ondersteuning wat hy vir Jelena en almal wat vervolging verduur, gee terwyl ons hom saam “skouer aan skouer . . . dien”. – Sefanja 3:9.

Tydlyn

15 Mei 2023

Kriminele saak word gemaak
16 Mei 2023

Huis word deursoek. Word ondervra en onder reisbeperkings geplaas
5 Junie 2023

Word krimineel aangekla
23 Augustus 2023

Kriminele verhoor begin

Sien ook

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE