23 MAART 2022 | BYGEWERK: 24 JUNIE 2024
RUSLAND
JONGSTE NUUS – TRONKSTRAF EN OPGESKORTE VONNISSE WORD GEGEE | Jehovah ondersteun ses getroue broers en susters
Op 20 Junie 2024 het die Indoestrialni-distrikshof van die Chabarowsk-gebied suster Maja Karpoesjkina, broer Stanislaf Kim, broer Nikolai Polewodof, suster Swetlana Sedowa, broer Witali Zjoek en sy vrou, Tatjana, skuldig bevind. Maja het ’n opgeskorte tronkvonnis van vier jaar gekry. Swetlana en Tatjana het elkeen ’n opgeskorte tronkvonnis van vyf jaar gekry. Die susters hoef nie op hierdie stadium tronk toe te gaan nie. Stanislaf, Witali en Nikolai is onderskeidelik tot agt jaar en twee maande, agt jaar en vier maande en agt jaar en ses maande tronkstraf gevonnis. Dit is die swaarste tronkvonnisse wat gegee is vandat ons werk in 2017 verbied is. Die broers is in die hof in hegtenis geneem.
Tydlyn
10 November 2018
Die owerhede het ’n partytjie met omtrent 55 mense by ’n koffiewinkel opgebreek. Almal wat daar was, insluitende kinders, is ondervra, en hulle vingerafdrukke is geneem. Daar is ook foto’s van hulle geneem
12 November 2018
Stanislaf, Nikolai en Witali word na ’n detensiesentrum voor hulle verhoor gestuur. Maja, Swetlana en Tatjana word onder reisbeperkings geplaas
14 Januarie 2019
Nikolai en Witali word uit die detensiesentrum voor hulle verhoor vrygelaat en onder huisarres geplaas
29 Januarie 2019
Stanislaf word uit die detensiesentrum voor sy verhoor vrygelaat en onder huisarres geplaas
18 Julie 2019
Die saak word by die Indoestrialni-distrikshof van die Chabarowsk-gebied ingedien
2 Augustus 2019
Nikolai word uit huisarres vrygelaat
9 September 2019
’n Afsonderlike saak waarby Stanislaf en Nikolai betrokke is, word by die Zjeleznodorozjni-distrikshof van Chabarowsk ingedien
5 November 2019
Nikolai word onder reisbeperkings geplaas
18 Januarie 2020
Stanislaf en Witali word uit huisarres vrygelaat
4 Februarie 2020
Stanislaf en Nikolai word in die afsonderlike saak skuldig bevind. Albei word ’n opgeskorte tronkvonnis van twee jaar gegee en op parool vrygelaat deur die Zjeleznodorozjni-distrikshof van Chabarowsk
3 Augustus 2020
Die saak waaroor die Indoestrialni-distrikshof moes beslis, word terugverwys na die aanklaer se kantoor. As gevolg hiervan het die aanklaer besluit om appèl aan te teken
29 September 2020
Die Chabarowsk-streekhof het die aanklaer se appèl oorweeg. Stanislaf en Nikolai word toegelaat om met die regter te praat. Hulle het gesê dat die Russiese Federasie, soos baie ander lande in die wêreld, internasionale ooreenkomste geteken het wat sê dat hulle nie hulle burgers se regte en vryheid om te aanbid, sal skend nie
12 Oktober 2020
Die Chabarowsk-streekhof het saamgestem met die uitspraak van die Indoestrialni-distrikshof, en die saak word terugverwys na die aanklaer se kantoor
15 Desember 2021
Die saak word weer by die Indoestrialni-distrikshof ingedien
Profiel
Ons weet dat Jehovah sal aanhou om hierdie kosbare broers en susters te ondersteun, sowel as al die ander wat vandag deel is van die “groot wolk van getuies”. – Hebreërs 12:1.
Jy sal dalk ook hiervan hou
NUUSBERIGTE
In die tronk weens hulle geloof – Rusland
Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.