20 MEI 2022 | BYGEWERK: 17 OKTOBER 2023
RUSLAND

JONGSTE NUUS – TRONKSTRAF OPGELÊ | Families verduur vervolging met Jehovah se hulp

SPEEL

Op 13 Oktober 2023 het die Sowietski-distrikshof van die stad Oriol broer Wladimir Melnik, Wladimir Piskaref en Artoer Poetintsef skuldig bevind. Hulle het elkeen ’n tronkstraf van ses jaar ontvang. Al drie broers is sedert Desember 2020 in aanhouding en sal in die tronk bly.

Tydlyn

8 Desember 2020

’n Kriminele saak is teen broer Melnik, Piskaref en Poetintsef gemaak
9 Desember 2020

Polisiebeamptes deursoek die huise van agt gesinne wat Jehovah se Getuies is, in Oriol, insluitende die huise van die drie broers. Hulle is na ’n tydelike detensiefasiliteit gestuur
11 Desember 2020

Broer Melnik en Piskaref is na ’n detensiesentrum voor hulle verhoor gestuur
14 Desember 2020

Broer Poetintsef is na ’n detensiesentrum voor sy verhoor gestuur
19 Januarie 2021

Die owerhede is in kennis gestel dat broer Piskaref verskeie ernstige mediese probleme het, maar hy is mediese behandeling en medikasie geweier
21 Januarie 2021

Broer Piskaref is toegelaat om medikasie te kry wat sy vrou gebring het, maar hy was nog steeds mediese behandeling geweier
24 Junie 2021

Broer Piskaref word by ’n hospitaal ondersoek, en daar is bevind dat hy ’n beroerte gehad het. Ten spyte van sy mediese toestand is hy na die detensiesentrum voor sy verhoor teruggeneem
29 Oktober 2021

Die broers word amptelik aangekla dat hulle die bedrywighede van ’n ekstremistiese organisasie reël
31 Januarie 2022

Kriminele verhoor begin

Profiel

Wladimir Melnik

Gebore:1965 (Donetsk, Oekraïne)

Agtergrond: Het as ’n militêre offisier gedien. Het later as ’n ingenieur gewerk

Trou met Irina in 1987. Hulle het drie dogters. Hulle seun is in 1991 oorlede

Het as ’n ateïs grootgeword. Hy en sy vrou het in die Bybel begin belangstel nadat hulle oor Jesus se lewe geleer het. Gedoop in 1992

Persoonlike kommentare van Wladimir se vrou, Irina a

Op watter maniere het Wladimir daarop gefokus om ander te help terwyl hy in aanhouding is?

Wladimir hou aan om idees vir gesinsaanbidding met my en ons dogters [in sy briewe] te deel. Hy doen dit dikwels deur gedigte, verhale, illustrasies, speletjies, legkaarte en Bybelaanhalings.

Hy het selfs ’n Bybelstudie met een van sy mede-gevangenes gehou. . . . Hierdie jong man is sedertdien na ’n ander stad oorgeplaas. Wladimir sê dat hy dit wat hy geleer het, met ander mense in die tronk deel.

Wladimir Piskaref

Gebore: 1956 (Karpinsk, Swerdlowsk-streek)

Agtergrond: Het as ’n ingenieur gewerk. Trou met Tatjana in 1976. Hulle het een seun en een dogter. Toe hy en sy vrou die waarheid oor Jesus geleer het, het dit hulle beweeg om die Bybel saam met Jehovah se Getuies te studeer. Gedoop in 1995

Persoonlike kommentare van Wladimir se vrou, Tatjana b

Wat help jou man om dit te verduur om in aanhouding te wees?

Wladimir beskou dit as ’n seëning en ’n bron van aanmoediging as hy iemand ontmoet wat baie vrae het. Hy sê: “Dit is wonderlik om besig te wees in die werk van die Here – selfs in ’n detensiesentrum!” Dit maak nie saak waar hy is nie, my man sing gereeld ons Koninkryksliedjies. Hy hou veral van die liedjie “Ons sal volhard”. Dit versterk sy geloof nog meer, en dit help hom om lojaal aan Jehovah te bly. Hy het by verskillende geleenthede die woorde in hierdie liedjie aan my geskryf: “Volharding is noodsaaklik. Geloof moet ons behou. Al weet ons dis nie maklik, volhard ons tot die einde toe getrou.”

Artoer Poetintsef

Gebore: 1970 (Tsjita, Trans-Baikal-gebied)

Agtergrond: Oudste van ses kinders. Het as ’n elektrisiën, ’n boer en ’n taxibestuurder gewerk. Trou met Ljoedmila in 1993. Gedoop in 2005

Persoonlike kommentare van Artoer se vrou, Ljoedmila c

Kan jy aan ’n geleentheid dink waar Jehovah jou veral gehelp het?

Toe my man gearresteer en in aanhouding geplaas is, het die speurder al ons elektroniese toestelle weggeneem, insluitende ons telefone. Ek was alleen [en het geen manier gehad om enige iemand te kontak nie]. Ek was in skok en het tot Jehovah gebid om vir hulp te vra. Ek het hom gevra om my te help om ’n manier te kry om die broers te kontak om vir hulle te vertel wat gebeur het. Net toe die kar met Artoer weggery het, het die broers daar aangekom. Hulle het my aangemoedig en my ’n telefoon gegee. Hulle het my die afgelope jaar nooit verlaat nie, en tot vandag toe hou hulle aan om vir my te sorg. Ek weet dat Jehovah net op die regte tyd gebede sal beantwoord en dat hy my gevoelens verstaan.

Alhoewel hierdie families tydelik geskei is, word ons vertroos omdat ons weet dat niks hulle van Jehovah se liefdevolle sorg en beskerming kan skei nie. – Romeine 8:38, 39.

a b c Omdat broer Melnik, Piskaref en Poetintsef in aanhouding is voor hulle verhoor toe hierdie artikel geskryf is, was dit nie moontlik om kommentare van hulle te kry nie.

Jy sal dalk ook hiervan hou

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE