8 APRIL 2024 | BYGEWERK: 1 JULIE 2024
RUSLAND

JONGSTE NUUS – TRONKVONNISSE | Hulle ervaar Jehovah se sorg terwyl in aanhouding voor verhoor

SPEEL

Op 26 Junie 2024 het die Nowotjerkassk-stadshof van die Rostof-streek suster Ljoebof Galitsina en broer Garegin Chatjatoerjan en Geworg Jeritsjan skuldig bevind. Ljoebof het ’n tronkstraf van twee jaar en drie maande gekry, maar as gevolg van die tyd wat sy in aanhouding voor haar verhoor was, is haar vonnis uitgedien. Sy hoef nie op hierdie stadium tronk toe te gaan nie. Garegin is tot ’n tronkstraf van ses jaar en ses maande gevonnis, en Geworg tot ’n tronkstraf van ses jaar en twee maande. Albei broers sal in aanhouding bly.

Profiel

Ljoebof Galitsina

Gebore: 1959 (Plastoenofskaja, Krasnodar-gebied)

Agtergrond: Het as ’n meganiese ingenieur gewerk voordat sy afgetree het

Het in die Bybel begin belangstel nadat sy geleer het oor die hoop van ’n lewe sonder siekte en die dood. Gedoop as een van Jehovah se Getuies in 1995

Haar man is in 2015 oorlede

Persoonlike kommentare

Hoe het jy Jehovah se ondersteuning gedurende die jaar en vier maande wat jy in die detensiesentrum voor jou verhoor was, gevoel?

Dit was ’n groot uitdaging om in dieselfde sel as dwelmverslaafdes, diewe en ander kriminele te wees. Dit was dikwels baie stresvol. Ek het partykeer die hele nag lank tot Jehovah gebid en hom gesmeek om my te wys hoe om die situasie te hanteer. In die tyd wat ek in die detensiesentrum was, het ek ’n sel met meer as 25 verskillende mense gedeel. Met Jehovah se hulp kon ek dit regkry om ’n goeie verhouding met elkeen van hulle op te bou. Hy het my ook gedurende hierdie tyd gehelp om te sien aan watter eienskappe ek moes werk. Ek is dankbaar vir die geleentheid om my Christelike persoonlikheid te verbeter.

Garegin Chatjatoerjan

Gebore: 1967 (Azerbeidjan)

Agtergrond: Het as ’n houtwerker gewerk. Het in 1995 na Rusland getrek nadat hy in Pole en Duitsland gebly het

Was beïndruk met die akkuraatheid van die Bybel en die waarde daarvan om die beginsels daarin toe te pas. Gedoop in 1994

Trou met Ksenija in 2008. Hulle het een seun

Persoonlike kommentare van Garegin se vrou, Ksenija a

Wat help jou en jou man om te volhard?

Garegin het die volgende aan my geskryf: “Ek is baie dankbaar teenoor Jehovah vir sy ondersteuning. Die briewe wat ek van die vriende in ons gemeente kry, moedig my geestelik baie aan. En omdat ek weet dat hulle na jou omsien, help dit my om kalm te bly. Ek het nog nooit so na aan Jehovah gevoel soos nou nie.” Ek stem saam met Garegin. Ons albei voel nader aan Jehovah, en ons sien elke dag al hoe meer hoe hy ons help.

Hoewel ons teenstanders ons kwaad wil aandoen, is ons oortuig dat Jehovah sal aanhou om sy lojale knegte te seën en sal seker maak dat dinge “’n goeie uiteinde” sal hê. – Genesis 50:20.

Tydlyn

11 Augustus 2022

Kriminele saak word teen Ljoebof, Garegin en Geworg gemaak. Hulle huise word deursoek. Garegin en Geworg word in ’n tydelike detensiesentrum geplaas
12 Augustus 2022

Garegin en Geworg word na ’n detensiesentrum voor hulle verhoor oorgeplaas
16 Augustus 2022

Ljoebof word in ’n tydelike detensiesentrum geplaas
17 Augustus 2022

Ljoebof word na ’n detensiesentrum voor haar verhoor oorgeplaas
20 September 2023

Kriminele verhoor begin
25 Desember 2023

Ljoebof word uit aanhouding voor haar verhoor vrygelaat en onder huisarres geplaas

a b Gedurende die voorbereiding van hierdie artikel was broer Chatjatoerjan en Jeritsjan in aanhouding voor hulle verhoor en was dit nie moontlik om hulle persoonlike kommentare te kry nie.

Sien ook

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE